മാന്നാർ: പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം നടത്തിയ കേസിൽ ജ്യോത്സ്യനെ മാന്നാർ പോലീസ് അറസ്റ്റ് ചെയ്തു ( Astrologer Arrested). അമ്പലപ്പുഴ പുറക്കാട് പുത്തൻപറമ്പിൽ രാജേഷ് രാമചന്ദ്രൻ (39) ആണ് പിടിയിലായത്. ഒളിവിലായിരുന്ന പ്രതിയെ തമിഴ്നാട്ടിലെ സേലത്ത് നിന്നാണ് പോലീസ് സംഘം പിടികൂടിയത്.
പെൺകുട്ടിയുടെ മാതാവുമായി സൗഹൃദത്തിലായിരുന്ന പ്രതി, അവർ വാടകയ്ക്ക് താമസിക്കുന്ന മാന്നാറിലെ വീട്ടിലെത്തിയാണ് കുട്ടിയെ ഉപദ്രവിച്ചത്. അതിക്രമത്തിന് ഇരയായ പെൺകുട്ടി തന്നെയാണ് പോലീസിൽ വിവരം അറിയിച്ചത്. പരാതി ഉയർന്നതോടെ നാടുവിട്ട പ്രതിയെ മൊബൈൽ ടവർ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് സേലത്ത് നിന്ന് പിടികൂടാനായത്.
പ്രതിക്കെതിരെ പോക്സോ നിയമപ്രകാരം കേസെടുത്തിട്ടുണ്ട്. കോടതിയിൽ ഹാജരാക്കിയ രാജേഷിനെ റിമാൻഡ് ചെയ്തു. കുട്ടിയുടെയും കുടുംബത്തിന്റെയും സുരക്ഷ ഉറപ്പാക്കുന്നതിനായി ചൈൽഡ് ലൈൻ പ്രവർത്തകരുടെ സഹായവും പോലീസ് തേടിയിട്ടുണ്ട്.
Story Summary:
A 39-year-old astrologer, Rajesh Ramachandran from Ambalappuzha, was arrested by Mannar police for sexually assaulting a minor girl. The accused, who was in a relationship with the girl’s mother, committed the crime at their rented residence in Mannar. He was apprehended from Salem, Tamil Nadu, after being on the run.
