തിരുവനന്തപുരം: കേരള-തമിഴ്നാട് അതിർത്തിയായ പനച്ചമൂടിന് സമീപം പുലിയൂർശാലയിൽ തമിഴ്നാട് ട്രാൻസ്പോർട്ട് ബസിന് നേരെ യുവാവിന്റെ അക്രമം. മാർത്താണ്ഡത്തു നിന്നും പനച്ചമൂട്ടിലേക്ക് സർവീസ് നടത്തുന്ന വനിതകൾക്കായുള്ള സൗജന്യ ബസിന് നേരെയാണ് അക്രമമുണ്ടായത്.(Man Attacks Tamil Nadu Transport Bus Near Kerala Tamil Nadu Border)
കഴിഞ്ഞ ദിവസം ഉച്ചയോടെയായിരുന്നു സംഭവം. പനച്ചമൂട് ജംഗ്ഷന് സമീപം ബസ് തിരിക്കുന്നതിനിടെ, ബൈക്കിലെത്തിയ യുവാവ് ബസിന് മുന്നിൽ തടസ്സം സൃഷ്ടിക്കുകയും ജീവനക്കാരുമായി വാക്കേറ്റത്തിൽ ഏർപ്പെടുകയും ചെയ്തു.
ഇതിനുശേഷം മടങ്ങിപ്പോയ യുവാവ്, അൽപസമയത്തിനുള്ളിൽ കല്ലുമായി തിരിച്ചെത്തി ബസിന്റെ മുൻവശത്തെ ഗ്ലാസ് എറിഞ്ഞു തകർക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങൾ ശേഖരിച്ച പോലീസ്, പ്രതിക്കായുള്ള തിരച്ചിൽ ഊർജിതമാക്കി.
Story Summary
A man on a motorcycle attacked a Tamil Nadu Transport bus near the Kerala-Tamil Nadu border at Puliyurshala in Thiruvananthapuram following a heated argument with the crew. The assailant threw a stone at the windshield of the bus, which was carrying female passengers, and the police have launched an investigation based on CCTV footage.
