കൊച്ചി: കുംഭമേളയിലൂടെ വൈറലായ പെൺകുട്ടിയുടെ വിവാദ വിവാഹത്തെക്കുറിച്ചുള്ള അന്വേഷണത്തിൽ നിർണ്ണായക നീക്കവുമായി മധ്യപ്രദേശ് പൊലീസ്. പട്ടികവർഗ കമ്മീഷന്റെ കർശന നിർദ്ദേശത്തെത്തുടർന്ന് കേസിൽ പുതിയ വകുപ്പുകൾ ചേർക്കാനാണ് പൊലീസിന്റെ തീരുമാനം. പെൺകുട്ടിയുടെ പ്രായം സംബന്ധിച്ച തർക്കമാണ് കേസിനെ സങ്കീർണ്ണമാക്കുന്നത്.(Kumbh Mela viral star’s wedding, Madhya Pradesh Police intensify investigation)
പെൺകുട്ടിക്ക് വിവാഹ സമയത്ത് പ്രായപൂർത്തിയായിരുന്നില്ലെന്ന് പട്ടികവർഗ കമ്മീഷൻ നേരത്തെ വ്യക്തമാക്കിയിരുന്നു. കഴിഞ്ഞ ദിവസം കമ്മീഷന് മുന്നിൽ ഹാജരായ കേരള, മധ്യപ്രദേശ് പൊലീസുകളുടെ അന്വേഷണ റിപ്പോർട്ടുകളിൽ കമ്മീഷൻ അതൃപ്തി രേഖപ്പെടുത്തി.
പെൺകുട്ടിയുടെ പ്രായം തെളിയിക്കുന്ന ഒറിജിനൽ രേഖകൾ മധ്യപ്രദേശ് പൊലീസ് വീണ്ടും പരിശോധിക്കും. ഈ കേസിൽ ഇരു സംസ്ഥാനങ്ങളിലെയും പൊലീസുകാർ വ്യത്യസ്ത നിലപാടുകളാണ് സ്വീകരിച്ചിരിക്കുന്നത്. പെൺകുട്ടിയുടെ പ്രായം തെളിയിക്കുന്ന രേഖകൾ പരിശോധിച്ചതാണെന്നും വിവാഹത്തിൽ നിയമപരമായ വീഴ്ചകളില്ലെന്നുമാണ് കേരള പൊലീസിന്റെ വാദം.
