തിരുവനന്തപുരം: സംസ്ഥാനത്ത് വലിയ രാഷ്ട്രീയ ചർച്ചയായി മാറിയ ഗവൺമെന്റ് പ്ലീഡർ വിവാദത്തിൽ കെഎസ് യു സംസ്ഥാന പ്രസിഡന്റ് അലോഷ്യസ് സേവ്യർ മുഖ്യമന്ത്രി വി ഡി സതീശനുമായി ഇന്നോ നാളെയോ കൂടിക്കാഴ്ച നടത്തും. കഴിഞ്ഞ ദിവസമാണ് അലോഷ്യസ് സേവ്യറിന് മുഖ്യമന്ത്രിയുടെ ഓഫീസ് കൂടിക്കാഴ്ചയ്ക്കുള്ള ഔദ്യോഗിക അനുമതി നൽകിയത്.(KSU President To Meet CM VD Satheesan Over Government Pleader Controversy)
വിഷയത്തിൽ പരാതി നൽകാൻ പലതവണ ശ്രമിച്ചിട്ടും മുഖ്യമന്ത്രി കാണാൻ തയ്യാറാകുന്നില്ലെന്ന ആക്ഷേപം കെഎസ് യു ശക്തമായി ഉന്നയിക്കുന്നതിനിടയിലാണ് ഈ പുതിയ നീക്കം. നേരത്തെ കൊച്ചിയിലെ എസ്.എച്ച് കോളേജിൽ നടന്ന ഒരു പൊതുപരിപാടിക്കിടെ അലോഷ്യസ് സേവ്യർ മുഖ്യമന്ത്രിയെ നേരിട്ട് കണ്ടിരുന്നെങ്കിലും, അദ്ദേഹം മുഖം കൊടുക്കാതെ പോയത് വലിയ വാർത്തയായിരുന്നു.
നേതാവിനെ മുഖ്യമന്ത്രി അവഗണിച്ചതിനെതിരെ രാഷ്ട്രീയ വിവാദങ്ങൾഉണ്ടായിരുന്നു. ഈ പശ്ചാത്തലത്തിലാണ് കെ എസ് യു ഉന്നയിച്ച പരാതികൾ നേരിട്ട് കേൾക്കാൻ മുഖ്യമന്ത്രിയുടെ ഓഫീസ് ഇപ്പോൾ സമയം അനുവദിച്ചിരിക്കുന്നത്.
Story Summary
KSU State President Aloysius Xavier is set to meet Chief Minister Pinarayi Vijayan soon to discuss the Government Pleader controversy. The Chief Minister’s office granted permission for the meeting following a row where the CM had previously ignored Aloysius during an event at SH College, Kochi.
