റിപ്പോർട്ട്: അൻവർ ഷരിഫ്
കൊണ്ടോട്ടി: സംസ്ഥാന സർക്കാർ നടപ്പിലാക്കുന്ന ലഹരി വിരുദ്ധ ക്യാമ്പയിനായ ‘ഓപ്പറേഷൻ തൂഫാന്റെ’ ഭാഗമായി നടത്തിയ പരിശോധനയിൽ റോഡരികിൽ ഒളിപ്പിച്ച നിലയിൽ എംഡിഎംഎ കണ്ടെടുത്തു (Kondotty MDMA Seizure). കൊണ്ടോട്ടി ഐക്കരപ്പടി കണ്ണംവെട്ടിക്കാവ് അങ്ങാടിക്ക് സമീപമുള്ള മരച്ചുവട്ടിൽ കടലാസിൽ പൊതിഞ്ഞ പ്ലാസ്റ്റിക് കവറിലാണ് അഞ്ച് ഗ്രാമോളം ലഹരിമരുന്ന് ഉപേക്ഷിക്കപ്പെട്ട നിലയിൽ കണ്ടെത്തിയത്.
കൊണ്ടോട്ടി എഎസ്പി കാർത്തിക് ബാലകുമാർ ഐപിഎസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ, കൊണ്ടോട്ടി സബ് ഇൻസ്പെക്ടർ ശ്രീഹരിയുടെ നേതൃത്വത്തിൽ ഡാൻസാഫ് സംഘവും കൊണ്ടോട്ടി പോലീസും സംയുക്തമായി നടത്തിയ പരിശോധനയിലാണ് ലഹരിമരുന്ന് പിടിച്ചെടുത്തത്. സംഭവസ്ഥലത്ത് നിന്നും ലഭിച്ച തെളിവുകൾ ഫിംഗർപ്രിന്റ് ഫോറൻസിക് വിദഗ്ധരുടെ സഹായത്തോടെ പരിശോധിച്ച് പ്രതിയെ ഉടൻ പിടികൂടാനുള്ള നടപടികൾ പോലീസ് സ്വീകരിച്ചുവരികയാണ്.
Summary: As part of the ‘Operation Toofan’ anti-drug initiative, authorities recovered approximately 5 grams of MDMA hidden near a tree by the roadside in Kannamvettikavu, Kondotty. The contraband was found wrapped in paper inside a plastic cover following a tip-off received by the Kondotty ASP. A joint team from the Kondotty police and the DANSAF unit has initiated a search for the suspects, utilizing forensic and fingerprint analysis to identify those responsible for hiding the narcotics.
