കൊച്ചി: കഴിഞ്ഞ ദിവസങ്ങളിലെ തുടർച്ചയായ ഇടിവിന് ശേഷം സംസ്ഥാനത്ത് സ്വർണ്ണവില വീണ്ടും വർദ്ധിച്ചു. പവന് 320 രൂപ വർദ്ധിച്ച് ഒരു പവൻ സ്വർണ്ണത്തിന്റെ ഇന്നത്തെ വില 1,11,000 രൂപയായി. ഗ്രാമിന് 40 രൂപയാണ് വർദ്ധിച്ചത്. ഇതോടെ ഒരു ഗ്രാം സ്വർണ്ണത്തിന് 13,875 രൂപ നൽകണം.(Kerala Gold price hiked after days, know about today’s rate)
ഇന്നലെ സ്വർണ്ണവിലയിൽ വലിയ ഇടിവ് രേഖപ്പെടുത്തിയിരുന്നു. രാവിലെ പവന് 520 രൂപയും ഉച്ചയ്ക്ക് ശേഷം 800 രൂപയും കുറഞ്ഞ് വില 1,11,400 രൂപയിൽ എത്തിയിരുന്നു. എന്നാൽ ഇന്ന് വിപണി നേരിയ തോതിൽ ഉയരുകയായിരുന്നു. ആഗോള വിപണിയിലെ മാറ്റങ്ങളും പശ്ചിമേഷ്യയിലെ സംഘർഷാവസ്ഥയുമാണ് സ്വർണ്ണവിലയെ സ്വാധീനിക്കുന്നത്.
ഇറാനുമായുള്ള വെടിനിർത്തൽ അമേരിക്ക നീട്ടിയെങ്കിലും സമാധാന ചർച്ചകളിലെ അനിശ്ചിതത്വം നിലനിൽക്കുന്നു. ഹോർമുസ് കടലിടുക്കിലെ ഗതാഗത തടസ്സങ്ങൾ ആഗോള വിപണിയിൽ എണ്ണവില ഉയർന്നു നിൽക്കാൻ കാരണമാകുന്നു. ഇത് സുരക്ഷിത നിക്ഷേപമെന്ന നിലയിൽ സ്വർണ്ണത്തിലേക്ക് നിക്ഷേപകരെ ആകർഷിക്കുന്നു.
