ഫ്രെസ്നോ (കാലിഫോർണിയ): ഏഴ് വർഷം മുൻപ് കാണാതായ വളർത്തുപൂച്ചയെ തിരികെ ലഭിച്ചതിന്റെ സന്തോഷത്തിലാണ് ജോർജിയയിലെ ഡേവിഡ്സൺ കുടുംബം. കാലിഫോർണിയയിൽ നിന്ന് ഫ്ലോറിഡയിലേക്ക് താമസം മാറുന്നതിനിടെയാണ് ‘ഡോഡ്ജർ’ എന്ന പൂച്ചയെ ഇവർക്ക് നഷ്ടമായത് (Cat Found After 7 Years)
2016-ൽ ഒരു പൂച്ചക്കുട്ടിയായിരിക്കെയാണ് ഡോഡ്ജറിനെ കുടുംബം ദത്തെടുത്തത്. ആ വർഷം തന്നെ കാലിഫോർണിയയിൽ നിന്ന് താമസം മാറുന്നതിനിടെ ഫ്രെസ്നോ എന്ന സ്ഥലത്തുവെച്ച് ഡോഡ്ജർ സുഹൃത്തിന്റെ വാഹനത്തിൽ നിന്ന് ചാടിപ്പോകുകയായിരുന്നു. പിന്നീട് ഏഴ് വർഷത്തോളം പൂച്ച എവിടെയാണെന്ന് ഒരു വിവരവുമുണ്ടായിരുന്നില്ല. ഫ്രെസ്നോയിലെ ഒരു സന്നദ്ധ സംഘടന പൂച്ചകളെ വന്ധ്യംകരിക്കുന്നതിനായി പിടികൂടുന്നതിനിടെയാണ് ഡോഡ്ജറിനെ കണ്ടെത്തിയത്. പരിശോധനയിൽ പൂച്ചയുടെ ശരീരത്തിൽ മൈക്രോചിപ്പ് ഉള്ളതായി ശ്രദ്ധയിൽപ്പെട്ടു. ചിപ്പിലെ വിവരങ്ങൾ പരിശോധിച്ചപ്പോഴാണ് പൂച്ചയുടെ ഉടമസ്ഥർ ഇപ്പോൾ ജോർജിയയിലാണെന്ന് തിരിച്ചറിഞ്ഞത്.
പൂച്ചയെ കണ്ടെത്തിയ സംഘത്തിലെ അംഗമായ സിഡ്നി ഷെർമാൻ പൂച്ചയെ ഉടമസ്ഥരുടെ അടുത്തേക്ക് എത്തിക്കാൻ സഹായിച്ചു. ഫ്ലോറിഡയിലേക്കുള്ള തന്റെ യാത്രയ്ക്കിടെ ഷെർമാൻ ഡോഡ്ജറെ ഡേവിഡ്സൺ കുടുംബത്തിന് കൈമാറുകയായിരുന്നു.
വർഷങ്ങൾക്ക് ശേഷം തങ്ങളുടെ പ്രിയപ്പെട്ട പൂച്ചയെ തിരികെ കിട്ടിയതിൽ വലിയ സന്തോഷത്തിലാണ് കുടുംബം. പൂച്ചകളിലെ മൈക്രോചിപ്പ് സാങ്കേതികവിദ്യ എത്രത്തോളം പ്രയോജനകരമാണെന്ന് തെളിയിക്കുന്നതാണ് ഈ സംഭവം.
Summary: A Georgia family was reunited with their pet cat, Dodger, seven years after he went missing during a move from California in 2016. Dodger was discovered by a volunteer group in Fresno through his microchip. Sydney Sherman of Fresno TNR facilitated the reunion by delivering the cat to the family during her trip to Florida, from where he finally went home to Georgia.
