കോടതിയില്‍ ഹാജരായാല്‍ ബുദ്ധിമുട്ടിക്കില്ലെന്ന് ഉറപ്പ് നല്‍കാം; തോമസ് ഐസക്കിനോട് ഹൈക്കോടതി
കൊച്ചി: കിഫ്ബി മസാല ബോണ്ട് കേസില്‍ സമന്‍സ് നല്‍കിയിരിക്കെ കോടതിയില്‍ ഹാജരായാല്‍ ബുദ്ധിമുട്ടിക്കില്ലെന്ന് ഉറപ്പ് നൽകണമെന്ന് തോമസ് ഐസക്കിനോട് ഹൈക്കോടതി വ്യക്തമാക്കി. തോമസ് ഐസക്ക് സമർപ്പിച്ച ഹര്‍ജിയിലാണ് കോടതിയുടെ മറുപടി. ഹാജരാകുന്നില്ലെങ്കില്‍ ഫെമ നിയമ നിഷേധത്തില്‍ ഇ ഡിക്ക് ഇടപെടാന്‍ സാധിക്കില്ലെന്ന തോമസ് ഐസക്കിന്റെ വാദം മെറിറ്റില്‍ പരിശോധിക്കാമെന്ന് ജസ്റ്റിസ് ദേവന്‍ രാമചന്ദ്രന്‍ വ്യക്തമാക്കി.
ചൊവ്വാഴ്ച ഐസിക്കിന് ഹാജരാകാന്‍ നിര്‍ദേശമുണ്ടെന്ന് അദ്ദേഹത്തിന്റെ അഭിഭാഷകന്‍ ജയദീപ് ഗുപ്ത നേരത്തേ അറിയിച്ചിരുന്നു. എന്നാല്‍ ഹാജരാകണോ വേണ്ടയോ എന്ന കാര്യം ഐസക്കിന് തീരുമാനിക്കാമെന്ന് കോടതി കഴിഞ്ഞ ദിവസം വ്യക്തമാക്കി. മസാല ബോണ്ടുമായി ബന്ധപ്പെട്ട് ഫെമ നിയമലംഘനം നടന്നിട്ടുണ്ടോ എന്ന അന്വേഷണത്തോട് തോമസ് ഐസക്ക് മനപൂര്‍വ്വം സഹകരിക്കുന്നില്ല എന്നായിരുന്നു ഇ ഡി ഉന്നയിച്ച വാദം.