മലപ്പുറം: കോഴിക്കോട്, മലപ്പുറം ജില്ലകളിൽ സർവീസ് നടത്തുന്ന ‘പ്രിയദർശിനി’ ബസ്സുകളിൽ കവർച്ചാ സംഘം പിടിമുറുക്കുന്നു. യാത്രക്കാരുടെ തിരക്ക് മുതലാക്കി സ്വർണ്ണമാലകളും പണവും കവരുന്ന സംഭവങ്ങൾ പതിവാകുകയാണ്. മലപ്പുറത്ത് രണ്ട് വനിതാ യാത്രക്കാരുടെ അഞ്ച് പവനോളം വരുന്ന സ്വർണ്ണാഭരണങ്ങളാണ് മോഷണം പോയത്.(Gold Stolen From Passengers In Priyadarshini Buses Malappuram Kozhikode)
കോഴിക്കോട് – പാലക്കാട് റൂട്ടിലോടുന്ന പ്രിയദർശിനി ബസ്സിൽ യാത്ര ചെയ്തിരുന്ന സ്ത്രീയുടെ രണ്ട് പവന്റെ മാലയും, പെരിന്തൽമണ്ണയിൽ നിന്ന് കോഴിക്കോട്ടേക്ക് പോയ ബസ്സിലെ യാത്രക്കാരിയുടെ മൂന്ന് പവൻ വരുന്ന താലിമാലയുമാണ് നഷ്ടപ്പെട്ടത്. തിരക്കേറിയ സമയത്താണ് രണ്ട് സംഭവങ്ങളും നടന്നത്. മോഷണം നടന്ന വിവരം അറിഞ്ഞ ഉടൻ തന്നെ യാത്രക്കാർ പൊലീസിൽ വിവരമറിയിച്ചു. സംഭവങ്ങളിൽ കേസെടുത്ത് പൊലീസ് അന്വേഷണം ഊർജ്ജിതമാക്കിയിട്ടുണ്ട്.
Story Summary
Stealth thefts are on the rise in Priyadarshini buses operating along Malappuram and Kozhikode routes. Recently, five sovereigns of gold jewelry were stolen from two women passengers.
