ആലപ്പുഴ: മെഡിക്കൽ കോളേജുകളിൽ രാഷ്ട്രീയ പാർട്ടികളോ മറ്റ് സംഘടനകളോ കൊടി കെട്ടി ഭക്ഷണം വിതരണം ചെയ്യേണ്ടതില്ലെന്നും, അത് സർക്കാരിന്റെ മാത്രം ഉത്തരവാദിത്തമാണെന്നും എംഎൽഎ ജി. സുധാകരൻ. മൂന്നാഴ്ച മുമ്പ് താനും കെ.സി. വേണുഗോപാലും കളക്ടറും സൂപ്രണ്ടും പങ്കെടുത്ത യോഗത്തിൽ ആലപ്പുഴ മെഡിക്കൽ കോളേജ് കോമ്പൗണ്ടിൽ ഇത്തരത്തിൽ യാതൊരു സംഘടനകളും ഭക്ഷണ വിതരണം നടത്തേണ്ടതില്ലെന്ന് തീരുമാനിച്ചിരുന്നുവെന്നും എന്നാൽ ആ തീരുമാനം പാലിക്കപ്പെട്ടില്ലെന്നും അദ്ദേഹം കുറ്റപ്പെടുത്തി.( G Sudhakaran Opposes Food Distribution By Political Organizations In Medical Colleges)
വിദ്യാർത്ഥികളോട് സംസാരിക്കവെയാണ് മെഡിക്കൽ കോളേജുകളിലെ പ്രവണതകളെ സുധാകരൻ രൂക്ഷമായി വിമർശിച്ചത്. മെഡിക്കൽ കോളേജ് കോമ്പൗണ്ടിൽ രാഷ്ട്രീയ പാർട്ടിയുടെ ഷെഡും വച്ച് കൊടിയും കെട്ടി ഇരിക്കുകയാണ്. എന്നിട്ട് അവിടെ അന്നദാനം കൊടുക്കുന്നു. പിന്നെ ഗവൺമെന്റിന്റെ ജോലി എന്താണ്? ഞങ്ങൾ ചോറ് കൊടുക്കുകയാണ്, കഞ്ഞി കൊടുക്കുകയാണ് എന്നാണ് പറയുന്നത്. എന്നിട്ട് അവിടെ കൊടിയും കെട്ടും. ഇതെല്ലാം അടിയന്തരമായി നീക്കം ചെയ്യണം. ഒരു പാർട്ടിയെയും അവിടെ കയറ്റിക്കൂടാ. പാർട്ടിയിൽപ്പെട്ട മനുഷ്യർക്ക് വരാം, പക്ഷേ അവിടെ പാർട്ടികൾ വരരുത്. സംഘടനകൾ അവിടെ യാതൊരു ഭക്ഷണവും കൊടുക്കേണ്ട കാര്യമില്ല. അത് ഗവൺമെന്റിന്റെ ഉത്തരവാദിത്വമാണ് എന്നാണ് അദ്ദേഹം പറഞ്ഞത്.
ദൈവം തമ്പുരാൻ വിചാരിച്ചാൽ ഇത് നന്നാവുമോ? ഇതൊക്കെ മാറ്റണം, സുധാകരൻ പറഞ്ഞു. മെഡിക്കൽ കോളേജുകളിൽ സാധാരണക്കാർക്ക് ചികിത്സ നിഷേധിക്കപ്പെടുന്നതിനെ കുറിച്ചും ജി. സുധാകരൻ തുറന്നടിച്ചു.
Story Summary
MLA G. Sudhakaran stated that political parties and organizations should not distribute food inside medical college campuses, emphasizing that it is the government’s responsibility. He criticized organizations for setting up sheds and flags for food distribution in Alappuzha Medical College despite a prior decision taken in a high-level meeting.
