പൊള്ളലേറ്റ് സഹോദരിമാർ മരിച്ച സംഭവം കൊലപാതകമെന്ന് പോലീസ്  

ഷൊർണൂരിൽ സഹോദരിമാരെ പൊള്ളലേറ്റ് മരിച്ച നിലയിൽ കണ്ടെത്തിയ സംഭവം യഥാർത്ഥത്തിൽ കൊലപാതകമാണെന്ന് പൊലീസ് വെളിപ്പെടുത്തുന്നു. കവളപ്പാറ നീലമലക്കുന്ന് സ്വദേശികളായ തങ്കം, പത്മിനി എന്നിവരാണ് മരിച്ചത്. പട്ടാമ്പി സ്വദേശിയായ മണികണ്ഠനെ (48) സ്‌ഫോടനശേഷം വീടിന് പുറത്തേക്ക് ഇറങ്ങുന്നതിനിടെ നാട്ടുകാർ പിടികൂടി. ഇയാൾ കുറ്റം സമ്മതിച്ചതായി പോലീസ് പറഞ്ഞു.

ഇന്നലെ ഉച്ചയോടെയാണ് തങ്കത്തെയും പത്മിനിയെയും വീട്ടിൽ മരിച്ച നിലയിൽ കണ്ടെത്തിയത്. വീട്ടിൽ നിന്ന് പുക ഉയരുന്നത് കണ്ട് നാട്ടുകാർ ഓടിക്കൂടി. വീട്ടിൽ മറ്റാരുമുണ്ടായിരുന്നില്ല. വീടിനുള്ളിൽ തീയും പുകയും നിറഞ്ഞിരുന്നു. ഇതിനിടെ ഒരാൾ വീടിന് പുറത്തേക്ക് ഓടുന്നത് നാട്ടുകാർ കണ്ടു. ഇയാളുടെ ദേഹത്തും പൊള്ളലേറ്റിരുന്നു. നാട്ടുകാർ ഇയാളെ ഷൊർണൂർ പോലീസിൽ ഏൽപ്പിച്ചു.തീ കണ്ട് ഓടി വീട്ടിലേക്ക് ഓടിയെന്നാണ് മണികണ്ഠന്റെ പ്രാഥമിക മൊഴി, എന്നാൽ പോലീസ് വിശദമായി ചോദ്യം ചെയ്തതിൽ പ്രതി കുറ്റം സമ്മതിച്ചു.