തിരുവനന്തപുരം: പ്രതിപക്ഷ നേതാവ് പിണറായി വിജയന്റെ വസതിയിൽ എൻഫോഴ്സ്മെന്റ് ഡയറക്ടറേറ്റ് നടത്തിയ റെയ്ഡ് രാഷ്ട്രീയ പകപോക്കലിന്റെ ഭാഗമാണെന്ന് സി.പി.ഐ എം സംസ്ഥാന സെക്രട്ടറിയേറ്റ്. സി.എം.ആർ.എൽ മാസപ്പടി കേസുമായി ബന്ധപ്പെട്ട് നടത്തുന്ന പരിശോധനകൾ ബി.ജെ.പിയും കോൺഗ്രസും ചേർന്ന് നടത്തുന്ന ആസൂത്രിത വേട്ടയാടലാണെന്നും, ഇത്തരം ഭീഷണികൾ ഒരുകാലത്തും കമ്മ്യൂണിസ്റ്റ് പ്രസ്ഥാനത്തിന് മുന്നിൽ വിലപ്പോകില്ലെന്നും പാർട്ടി വ്യക്തമാക്കി.(CPIM State Secretariat Condemns ED Raid Calls Congress BJP Nexus Political Vendetta)
കേന്ദ്ര ഏജൻസികളെ ഉപയോഗിച്ച് രാഷ്ട്രീയ എതിരാളികളെ ഇല്ലാതാക്കുന്ന ബിജെപിയുടെ തന്ത്രത്തിന് കേരളത്തിൽ കോൺഗ്രസിന്റെ പിന്തുണയുണ്ടെന്ന് പാർട്ടി ആരോപിച്ചു. എന്തുകൊണ്ട് പിണറായി വിജയനെ ഇഡി അറസ്റ്റ് ചെയ്യുന്നില്ല എന്ന് നിരന്തരം ചോദിച്ച രാഹുൽ ഗാന്ധിയുടെ നിലപാട് ബിജെപിയെ സഹായിക്കുന്നതാണ്.
മുഖ്യമന്ത്രി വി.ഡി. സതീശൻ പ്രധാനമന്ത്രിയെയും കേന്ദ്രമന്ത്രിമാരെയും സന്ദർശിച്ചതിന് തൊട്ടടുത്ത ദിവസമാണ് റെയ്ഡ് നടന്നതെന്നത് അതീവ ഗൗരവകരമാണ്. ഡൽഹിയിൽ അരവിന്ദ് കെജ്രിവാളിന് നേരെ കോൺഗ്രസ് പിന്തുണയോടെ ബിജെപി നടത്തിയ അക്രമത്തിന് സമാനമാണിത്. പിണറായി വിജയന്റെ രാഷ്ട്രീയ ജീവിതം ഇത്തരം വേട്ടയാടലുകളെ അതിജീവിച്ചതാണെന്ന് പാർട്ടി സംസ്ഥാന സെക്രട്ടറിയേറ്റ് ഓർമ്മിപ്പിച്ചു. സംസ്ഥാനത്തെ എല്ലാ ബ്രാഞ്ച് കേന്ദ്രങ്ങളിലും ഇന്ന് വൈകിട്ട് പന്തം കൊളുത്തി പ്രകടനം നടത്തുമെന്ന് പാർട്ടി അറിയിച്ചു.
Story Summary
The CPI(M) State Secretariat has condemned the ED raids on Pinarayi Vijayan’s residence as a political vendetta fueled by a “tacit understanding” between the BJP and Congress. The party accused Rahul Gandhi and CM VD Satheesan of facilitating these raids through their persistent demands and interactions with central leadership.
