കൊച്ചി: കെ.എസ്.ആർ.ടി.സിയുടെ ‘പ്രിയദർശിനി’ സൗജന്യ യാത്രാ പദ്ധതിയുമായി ബന്ധപ്പെട്ട് നടത്തിയ പ്രസ്താവനകളിൽ ഉറച്ചുനിൽക്കുന്നതായി ഗതാഗത മന്ത്രി സി.പി. ജോൺ. സംസ്ഥാനത്തെ സ്ത്രീകളുടെ ദാരിദ്ര്യത്തെയും സാമ്പത്തിക പ്രയാസങ്ങളെയും കുറിച്ചാണ് താൻ സംസാരിച്ചതെന്നും തന്റെ വാക്കുകൾ വിവാദമാകുന്നതിൽ ബുദ്ധിമുട്ടില്ലെന്നും അദ്ദേഹം വ്യക്തമാക്കി.(CP John Stands By Remarks On Priyadarshini Free Bus Scheme)
എന്താണ് ഉദ്ദേശിച്ചതെന്ന് തന്നോട് ഒരു വിശദീകരണം ചോദിക്കാമായിരുന്നുവെന്നും മന്ത്രി കൂട്ടിച്ചേർത്തു. സ്വന്തമായി യാത്ര ചെയ്യാൻ പോലും സാമ്പത്തിക ശേഷിയില്ലാത്ത നിരവധി സ്ത്രീകൾ സമൂഹത്തിലുണ്ട്. എന്നാൽ അവരുടെ ഈ അവസ്ഥ പൂർണ്ണമായി മനസ്സിലാക്കാൻ താനുൾപ്പെടെയുള്ള രാഷ്ട്രീയ നേതൃത്വത്തിന് കഴിഞ്ഞില്ലെന്നത് സങ്കടകരമായ കാര്യമാണ്. ഈ യാഥാർത്ഥ്യത്തെക്കുറിച്ചാണ് താൻ സംസാരിച്ചത് എന്നും അദ്ദേഹം കൂട്ടിച്ചേർത്തു.
ജനത ദാരിദ്ര്യം അഭിനയിക്കുകയാണെന്ന് താൻ എവിടെയും പറഞ്ഞിട്ടില്ലെന്നും അദ്ദേഹം വ്യക്തമാക്കി. കേരള ബസ് ട്രാൻസ്പോർട്ട് അസോസിയേഷൻ സംസ്ഥാന സമ്മേളനത്തിൽ സംസാരിക്കവെ മന്ത്രി നടത്തിയ ചില പരാമർശങ്ങളാണ് വിവാദങ്ങൾക്ക് വഴിവെച്ചത്. സ്ത്രീകൾ ബസുകളിൽ തള്ളിക്കയറുകയാണെന്നായിരുന്നു അദ്ദേഹത്തിന്റെ പ്രസ്താവന.
Story Summary
Kerala Transport Minister CP John stands by his controversial remarks regarding the Priyadarshini free bus travel scheme for women. Clarifying his statement, the minister asserted that he was addressing the financial constraints and poverty faced by women, rather than accusing Keralites of feigning poverty.
