ബൈക്കിലെത്തി മാല മോഷണം; യുവാവ് അറസ്റ്റില്‍
May 12, 2024, 21:43 IST
പാറശ്ശാല: ബൈക്കിലെത്തി മാല പൊട്ടിച്ച കേസിലെ മുഖ്യപ്രതിയെ പൊലീസ് അറസ്റ്റ് ചെയ്തു. കൊല്ലം ചിതറ തടത്തരികത്ത് വീട്ടില്‍ മുഹമ്മദ് ഷമീമിനെയാണ് (23) പിടികൂടിയത്. മാസങ്ങൾക്കുമുമ്പ് വിരാലി സ്വദേശി ലിജിദാസിന്റെ ആറ് പവന്‍ മാലയാണ് പ്ലാമൂട്ടുകടക്ക് സമീപം ബൈക്കിലെത്തി പൊട്ടിച്ചെടുത്തത്. പ്രതി ചെന്നൈയിലും ഇടുക്കിയിലുമായി ഒളിവിലായിരുന്നു. തുടര്‍ന്ന് കല്ലറയിൽ എത്തിയപ്പോഴാണ് ഇയാളെ പിടികൂടിയത്. പോത്തന്‍കോട്ടുനിന്ന് മോഷ്ടിച്ച ബൈക്കിലെത്തിയാണ് മാല പൊട്ടിച്ചതെന്ന് പൊലീസ് പറഞ്ഞു.