അനൂപിന്റെ മരണം: റിമാൻഡിലായത് ആത്മസുഹൃത്ത്
![അനൂപിന്റെ മരണം: റിമാൻഡിലായത് ആത്മസുഹൃത്ത്](https://timeskerala.com/static/c1e/client/91214/uploaded/7861f2075e98f3a9e55bbb52e10cbf98.gif)
അത്തോളി: മദ്യപാനത്തിനിടെയുണ്ടായ തർക്കത്തിൽ യുവാവ് മരിച്ച സംഭവത്തിലെ പ്രതി കൊല്ലപ്പെട്ടയാളുടെ ആത്മസുഹൃത്ത്. വേളൂർ തോട്ടത്തിൽ മീത്തൽ അനൂപ് (34) ആണ് സുഹൃത്തിന്റെ മർദനത്തിൽ പരിക്കേറ്റ് ചികിത്സയിലിരിക്കെ വ്യാഴാഴ്ച മരണപ്പെട്ടത്. പ്രതിയായ അന്നശ്ശേരി ചെമ്പിലാം പൂക്കോട് സുബീഷും മരണപ്പെട്ട അനൂപും ബാല്യകാലം മുതലേ സുഹൃത്തുക്കളായിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
സുബീഷിന്റെ വീടിനടുത്തായിരുന്നു അനൂപും താമസിക്കുന്നത്. പിന്നീടാണ് അനൂപ് അത്തോളി വേളൂരിലേക്ക് താമസം മാറിയത്. അന്നശ്ശേരി ഭാഗങ്ങളിലെ കല്യാണങ്ങളിലും ആഘോഷങ്ങളിലും അനൂപ് സജീവ സാന്നിധ്യമായിരുന്നു. സുബീഷിന്റെ വീട്ടിൽ ഇവർ ഒത്തുകൂടാറുമുണ്ടായിരുന്നു. അത്രയേറെ അടുപ്പമുള്ളവരായിരുന്നു രണ്ടുപേരുമെന്ന് സുഹൃത്തുക്കളും നാട്ടുകാരും പറയുന്നു.