തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തിന്റെ ഓഹരി കൈമാറ്റവുമായി ബന്ധപ്പെട്ട് സി.പി.എമ്മിനുള്ളിൽ യാതൊരുവിധ അഭിപ്രായ വ്യത്യാസവുമില്ലെന്ന് മുതിർന്ന നേതാവ് എ.കെ ബാലൻ. വിഷയത്തിൽ മുതിർന്ന നേതാവ് ഇ.പി ജയരാജൻ എന്താണ് പറഞ്ഞതെന്ന് തനിക്കറിയില്ലെന്നും എന്നാൽ പാർട്ടിയിൽ ഈ വിഷയത്തിൽ രണ്ടഭിപ്രായമില്ലെന്നും അദ്ദേഹം മാധ്യമങ്ങളോട് വ്യക്തമാക്കി.(AK Balan clarifies CPM stand on Vizhinjam port alleges Divya S Iyer removal favors Adani)
ദിവ്യ എസ്. അയ്യരെ മാറ്റിയ നടപടിയിൽ ദുരൂഹതയുണ്ടെന്ന് എ.കെ ബാലൻ ആരോപിച്ചു. അദാനിക്ക് വേണ്ടിയാണ് ദിവ്യ എസ്. അയ്യരെ സ്ഥാനത്തുനിന്ന് മാറ്റിയതെന്നും, പ്രതിപക്ഷ നേതാവ് വി.ഡി സതീശന്റെ ബെംഗളൂരു യാത്ര ഇതിനോട് കൂട്ടിവായിക്കേണ്ടതാണെന്നും അദ്ദേഹം പറഞ്ഞു.
വിഷയത്തിൽ കെ.കെ ശൈലജയും പി.കെ ശ്രീമതിയും വ്യത്യസ്തമായ അഭിപ്രായം പറഞ്ഞത് തിരുത്തിയിട്ടുണ്ട്. പാർട്ടി നിലപാടിന് വിരുദ്ധമായി അവർ അഭിപ്രായം പറഞ്ഞിട്ടുണ്ടെങ്കിൽ അത് തിരുത്തുമെന്നും എ.കെ ബാലൻ കൂട്ടിച്ചേർത്തു. പിണറായി വിജയനെതിരെ പാർട്ടിയിൽ യാതൊരുവിധ പടയൊരുക്കവുമില്ലെന്നും, അങ്ങനെ ഒന്നുണ്ടായാൽ തന്നെ അത് നടക്കാൻ പോകുന്നില്ലെന്നും അദ്ദേഹം വ്യക്തമാക്കി.
Story Summary
Senior CPM leader AK Balan stated that there is no internal rift within the CPM regarding the Vizhinjam port share transfer. He alleged mystery behind the removal of Divya S. Iyer from the Vizhinjam MD post, claiming it was done to favor Adani, while adding that leaders KK Shailaja and PK Sreemathi have corrected their opposing views.
