പ്രായപൂര്ത്തിയാകാത്ത പെൺകുട്ടിയെ കടത്തിക്കൊണ്ടുപോയ പ്രതി പിടിയിൽ
![പ്രായപൂര്ത്തിയാകാത്ത പെൺകുട്ടിയെ കടത്തിക്കൊണ്ടുപോയ പ്രതി പിടിയിൽ](https://timeskerala.com/static/c1e/client/91214/uploaded/f151ef67aa3ac8e4be7d293edbd4153e.webp)
കൊല്ലം: ഫേസ്ബുക്കിലൂടെ പരിചയപ്പെട്ട പ്രായപൂര്ത്തിയാകാത്ത വിദ്യാര്ഥിനിയെ കടത്തികൊണ്ടുപോയ സംഭവത്തില് യുവാവ് അറസ്റ്റിൽ. നെയ്യാറ്റിൻകര മറയ മുട്ടം കാലിവിലാകത്ത് ഗോകുലിനെയാണ് (24) അറസ്റ്റ് ചെയ്തത്. കഴിഞ്ഞ ദിവസം കുട്ടിയെ സ്കൂളിലേക്ക് പോകവെ ഗോകുല് പ്രലോഭിപ്പിച്ച് കൂട്ടികൊണ്ടുപോകുകയായിരുന്നു. പെണ്കുട്ടി സ്കൂളില് എത്തിയില്ലെന്ന് അധ്യാപകര് രക്ഷാകര്ത്താക്കളെ ഫോണില് വിളിച്ച് അറിയിക്കുകയും തുടർന്ന് വീട്ടുകാര് പോലീസിൽ പരാതി നൽകുകയുമായിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
തുടർന്ന് കുട്ടിക്കായി തിരച്ചിൽ നടത്തുന്നതിനിടെ സ്കൂളിൽനിന്ന് തിരിച്ചെത്തുന്ന സമയം കുട്ടി വീട്ടിലെത്തി. തുടർന്ന് കുട്ടിയിൽനിന്ന് ലഭിച്ച വിവരങ്ങളുടെ അടിസ്ഥാനത്തിലാണ് പ്രതിയെ പോലീസ് അറസ്റ്റുചെയ്തത്. പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടു പോയതിന് പ്രതിക്കെതിരെ പോക്സോ കേസെടുത്തു. കോടതിയില് ഹാജരാക്കിയ ഗോകുലിനെ റിമാന്ഡ് ചെയ്തു.