ഫാൻസി സ്റ്റോറിൽനിന്ന് പണം അപഹരിച്ച കേസിൽ യുവാവ് അറസ്റ്റിൽ
Updated: Jan 25, 2023, 08:59 IST
കൊല്ലം: ഫാൻസി സ്റ്റോറിൽനിന്ന് പണം അപഹരിച്ച കേസിൽ യുവാവ് അറസ്റ്റിൽ. മുണ്ടയ്ക്കൽ, ഉദയമാർത്താണ്ഡപുരം തിരുവാതിര നഗർ-71ൽ ജോയൽ എന്ന 19-കാരനാണ് പിടിയിലായത്. ജനുവരി ആറിന് രാത്രി എട്ടോടെ പോളയത്തോടുള്ള കടയുടെ ഉടമ പള്ളിയിൽ പോയ സമയത്താണ് മോഷണം നടന്നത്. മേശയിൽ സൂക്ഷിച്ചിരുന്ന 4600 രൂപയോളം നഷ്ടപ്പെട്ടു. കടയുടമ കൊല്ലം ഈസ്റ്റ് പൊലീസ് സ്റ്റേഷനിൽ പരാതി നൽകുകയും സമീപ കടകളിലെ സി.സി ടി.വി ദൃശ്യങ്ങളുടെ സഹായത്താൽ പ്രതിയെ തിരിച്ചറിഞ്ഞ് പിടികൂടുകയായിരുന്നു.