"ഹെൽപ്പിംഗ് ഹാൻഡ്‌സ്" പദ്ധതിയുടെ ഭാഗമായി തയ്യൽ മെഷീൻ സംഭാവന ചെയ്തു
Nov 25, 2022, 18:53 IST
പാലക്കാട്: റോട്ടറി ക്ലബ്ബ് ഓഫ് പാലക്കാട് ഫോർട്ടും പാലക്കാട് മേഴ്‌സി കോളേജും സംയുക്തമായി നടത്തി വരുന്ന "ഹെൽപ്പിംഗ് ഹാൻഡ്‌സ്" സാമൂഹ്യ സേവന പരിപാടികളുടെ ഭാഗമായി സൗമിനി ടി.ജി എന്ന യുവതിയുടെ കുടുംബത്തിന് ജീവിത മാർഗം കണ്ടെത്തുന്നതിനായി തയ്യൽ മെഷീൻ സംഭാവന ചെയ്തു . മേഴ്‌സി കോളേജിൽ വെച്ച് നടന്ന ചടങ്ങിൽ നിയുക്ത പ്രസിഡണ്ട് മനോജ് അധ്യക്ഷത വഹിച്ചു . റോട്ടറി മുൻ ജി .ജി .ആർ രവി നടരാജൻ മുഖ്യാതിഥിയായി . സിസ്റ്റർ നിർമൽ , കെ.ശിവദാസൻ എന്നിവർ ആശംസകളർപ്പിച്ചു സംസാരിച്ചു .