മുങ്ങിത്താഴ്ന്ന മകളെ 60-കാരിയായ മാതാവ് സാഹസികമായി രക്ഷപ്പെടുത്തി

death
മലപ്പുറം: പു​റ​ത്തൂ​ർ ന​മ്പ്രം ക​ട​വി​ൽ ക​ക്ക വാ​രി തി​രി​ച്ച് വ​രു​ന്ന​തി​നി​ടെ തോ​ണി മ​റി​ഞ്ഞു​ണ്ടാ​യ അ​പ​ക​ട​ത്തി​ൽ​ നി​ന്ന് യു​വ​തി​യെ 60കാ​രി​യാ​യ മാ​താ​വ് സാ​ഹ​സി​ക​മാ​യി ര​ക്ഷ​പ്പെ​ടു​ത്തി​. ച​ക്കി​ട്ടി​പ്പ​റ​മ്പി​ൽ ഉ​മ്മ​റി​ന്റെ ഭാ​ര്യ ബീ​പാ​ത്തു​വാ​ണ് (60) മ​ക​ളും കു​റു​ങ്ങാ​ട്ടി​ൽ ന​സീ​റി​ന്റെ ഭാ​ര്യ​യു​മാ​യ റ​സി​യ​യെ (42) ര​ക്ഷ​പ്പെ​ടു​ത്തി​യ​ത്. തോ​ണി​യി​ലു​ണ്ടാ​യി​രു​ന്ന മ​റ്റ് നാ​ലു​പേ​രും മരിച്ചിരുന്നു.

വെ​ള്ള​ത്തി​ൽ മു​ങ്ങ​വേ റ​സി​യ മാ​താ​വി​നെ കെ​ട്ടി​പ്പി​ടി​ക്കു​ക​യാ​യി​രു​ന്നു. എ​ന്നാ​ൽ, ത​ന്നെ കെ​ട്ടി​പ്പി​ടി​ച്ചാ​ൽ ര​ണ്ടു​പേ​രും താ​ഴ്ന്നു​പോ​കു​മെ​ന്ന് മ​ക​ളെ ആ​ദ്യം ബോ​ധ്യ​പ്പെ​ടു​ത്തിയ ബീ​പാ​ത്തു ഒ​രു കൈ ​കൊ​ണ്ട് മ​ക​ളു​ടെ മു​ടി​പി​ടി​ച്ച് മ​റു​കൈ കൊ​ണ്ട് ക​ര ല​ക്ഷ്യ​മാ​ക്കി തുഴയുകയായിരുന്നു. സാ​ഹ​സി​ക​മാ​യി ര​ണ്ടാം ചാ​ലി​ന്റെ ക​ര​ക്കെ​ത്തി​യ ബീ​പാ​ത്തു മാ​ട്ടി​ലെ പു​ൽ​പി​ടി​ച്ച് ക​ര​യി​ലേ​ക്ക് ക​യ​റി മ​ക​ളെ നി​ല​ത്ത് കി​ട​ത്തി.

ശ​ക്ത​മാ​യ ഇ​രു​ട്ടാ​യ​തി​നാ​ൽ മ​റ്റു​ള്ള​വ​രെ ര​ക്ഷ​പ്പെ​ടു​ത്താ​ൻ സാധിച്ചിരുന്നില്ല. പി​ന്നീ​ട് റ​സി​യ​യെ​യും പി​ടി​ച്ച് വെ​ളി​ച്ച​മു​ള്ള മ​റ്റൊ​രു മാ​ട്ടി​ലെ​ത്തി ഉ​റ​ക്കെ വി​ളി​ച്ച് ക​ര​ഞ്ഞ് ആ​ളെ​ക്കൂ​ട്ടി വി​വ​രം പ​റ​യു​ക​യാ​യി​രു​ന്നു. ബീ​പാ​ത്തു​വി​ന്റെ ഭ​ർ​ത്താ​വ് അ​ഞ്ച് വ​ർ​ഷ​ത്തോ​ള​മാ​യി രോ​ഗി​യാ​ണ്. ര​ണ്ടാ​മ​ത്തെ മ​ക​ളാ​യ റ​സി​യ​യു​ടെ ഭ​ർ​ത്താ​വും പ​ക്ഷാ​ഘാ​തം പി​ടി​പെ​ട്ട് കി​ട​പ്പി​ലാ​ണ്. ക​ഷ്ട​പ്പാ​ട് കൊ​ണ്ടാ​ണ് ത​ങ്ങ​ൾ ക​ക്ക വാ​രാ​ൻ പോ​കു​ന്ന​തെ​ന്ന് ബീ​പാ​ത്തു ക​ണ്ണീ​രോ​ടെ പ​റ​ഞ്ഞു.
 

Share this story