തൃശൂർ: സാംസ്കാരിക നഗരമായ തൃശൂരിൽ യുഡിഎഫ് തരംഗം. യുഡിഎഫ് സ്ഥാനാർത്ഥി രാജൻ ജെ. പല്ലൻ 25,000ത്തിലധികം വോട്ടുകളുടെ മികച്ച ഭൂരിപക്ഷത്തോടെ വിജയം ഉറപ്പിച്ചു. അതേസമയം, വലിയ പ്രതീക്ഷകളുമായി ബിജെപി പാളയത്തിലെത്തിയ പത്മജ വേണുഗോപാൽ തൃശൂർ മണ്ഡലത്തിൽ തോൽവിയിൽ ഹാട്രിക് തികയ്ക്കുന്ന കാഴ്ചയാണ് വോട്ടെണ്ണൽ കേന്ദ്രങ്ങളിൽ നിന്ന് പുറത്തുവരുന്നത്.(Rajan J Pallan Victory Thrissur, Padmaja Venugopal Third Place)
14 റൗണ്ട് പിന്നിടുമ്പോൾ രാജൻ ജെ. പല്ലൻ (യുഡിഎഫ്) വ്യക്തമായ ഭൂരിപക്ഷത്തിൽ ഒന്നാമതാണ്. ആലങ്കോട് ലീലാകൃഷ്ണൻ (എൽഡിഎഫ്) 30,387 വോട്ടുകളുമായി രണ്ടാം സ്ഥാനത്ത്. പത്മജ വേണുഗോപാൽ (എൻഡിഎ) 26,000 വോട്ടുകൾ മാത്രം നേടി മൂന്നാമതാണ്.
മുൻപ് കോൺഗ്രസ് സ്ഥാനാർത്ഥിയായി മത്സരിച്ച് പരാജയപ്പെട്ട പത്മജ, ഇത്തവണ ബിജെപി ടിക്കറ്റിൽ മത്സരത്തിനിറങ്ങിയെങ്കിലും മൂന്നാം സ്ഥാനത്തേക്ക് പിന്തള്ളപ്പെട്ടു. ശക്തമായ ത്രികോണ മത്സരം പ്രവചിക്കപ്പെട്ടിരുന്ന മണ്ഡലത്തിൽ യുഡിഎഫിന്റെ സംഘടനാ കരുത്തിന് മുന്നിൽ എൽഡിഎഫിനും എൻഡിഎയ്ക്കും അടിപതറുകയായിരുന്നു.
Story Summary
UDF candidate Rajan J. Pallan has secured a decisive victory in Thrissur with a lead of over 25,000 votes. Meanwhile, NDA’s Padmaja Venugopal has hit a “hat-trick” of losses in the constituency, finishing third behind LDF’s Alankode Leelakrishnan.
