തിരുവനന്തപുരം: നിയമസഭാ തിരഞ്ഞെടുപ്പിൽ 102 സീറ്റുകൾ നേടി യുഡിഎഫ് അധികാരത്തിലേക്ക് തിരിച്ചെത്തുന്നത് അന്തരിച്ച മുൻ മുഖ്യമന്ത്രി ഉമ്മൻ ചാണ്ടിക്കുള്ള കാലത്തിന്റെ മറുപടിയാണെന്ന് രാഹുൽ മാങ്കൂട്ടത്തിൽ. തിരഞ്ഞെടുപ്പ് ഫലം പുറത്തുവന്നതിന് പിന്നാലെ ഫേസ്ബുക്കിൽ പങ്കുവെച്ച വൈകാരികമായ കുറിപ്പിലൂടെയാണ് രാഹുൽ തന്റെ പ്രതികരണം അറിയിച്ചത്.(Rahul Mamkootathil Facebook Post Oommen Chandy UDF Victory 2026)
“സാറേ നമ്മുടെ പാർട്ടി ജയിച്ചു” എന്ന് രാഹുൽ കുറിപ്പിൽ പറയുന്നു. ഈ വിജയം ഉമ്മൻ ചാണ്ടി എന്ന വലിയ മനുഷ്യന്റെ കൂടി വിജയമാണെന്നും, ആ മനുഷ്യന്റെ ചോര ചീന്തിയവർക്ക് കാലം കരുതി വെച്ച മറുപടിയാണിതെന്നും രാഹുൽ കുറിച്ചു.
പത്ത് വർഷത്തെ ഇടവേളയ്ക്ക് ശേഷമാണ് യുഡിഎഫ് കേരളത്തിൽ ഇത്രയും വലിയൊരു ഭൂരിപക്ഷത്തോടെ അധികാരത്തിൽ തിരിച്ചെത്തുന്നത്. തിരഞ്ഞെടുപ്പ് പ്രചാരണത്തിലുടനീളം ഉമ്മൻ ചാണ്ടിയുടെ സ്മരണകളും വികസന കാഴ്ചപ്പാടുകളും യുഡിഎഫ് സജീവമായി ഉയർത്തിക്കാട്ടിയിരുന്നു. ഉമ്മൻ ചാണ്ടിയുടെ മകൻ ചാണ്ടി ഉമ്മൻ അടക്കമുള്ള യുവനേതാക്കളുടെ മികച്ച പ്രകടനവും ഈ വിജയത്തിന് മാറ്റുകൂട്ടി.
Story Summary
Rahul Mamkootathil dedicated the UDF’s historic victory of 102 seats to the late Oommen Chandy. In an emotional Facebook post titled “Sir, our party won,” he stated that this mandate is a fitting reply to those who politically persecuted the former Chief Minister.
