കോഴിക്കോട്: ജില്ലയിൽ വോട്ടെടുപ്പ് പുരോഗമിക്കുന്നതിനിടെ ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥൻ ദേഹാസ്വാസ്ഥ്യം മൂലം കുഴഞ്ഞുവീണു. കാരശ്ശേരി പഞ്ചായത്തിലെ കുമാരനെല്ലൂർ ജി.എൽ.പി സ്കൂളിലെ 162-ാം നമ്പർ ബൂത്തിൽ ഡ്യൂട്ടിയിലുണ്ടായിരുന്ന സന്തോഷ് സ്കറിയ എന്ന ഉദ്യോഗസ്ഥനാണ് കുഴഞ്ഞുവീണത്.(Police officer collapses at polling booth in Kozhikode)
വ്യാഴാഴ്ച ഉച്ചയോടെയാണ് സംഭവം. ബൂത്തിൽ വോട്ടർമാരെ നിയന്ത്രിക്കുന്നതിനിടെ ഇദ്ദേഹത്തിന് പെട്ടെന്ന് ദേഹാസ്വാസ്ഥ്യം അനുഭവപ്പെടുകയും കുഴഞ്ഞുവീഴുകയുമായിരുന്നു. നിലവിൽ ഇദ്ദേഹം ചികിത്സയിലാണ്. കനത്ത ചൂട് ഏവരെയും ഒരുപോലെ ബാധിക്കുന്നുണ്ട്.
