തിരുവനന്തപുരം : തപാൽ വോട്ടുകൾ എണ്ണിത്തുടങ്ങിയപ്പോൾ തന്നെ എൻഡിഎ അഞ്ച് നിർണ്ണായക മണ്ഡലങ്ങളിൽ ലീഡ് നേടി ബിജെപി ക്യാമ്പുകളിൽ ആവേശം പടർത്തിയിട്ടുണ്ട്. മഞ്ചേശ്വരം: കെ. സുരേന്ദ്രൻ, പാലക്കാട്: ശോഭ സുരേന്ദ്രൻ, നേമം: രാജീവ് ചന്ദ്രശേഖർ, കഴക്കൂട്ടം: വി. മുരളീധരൻ, ചാത്തന്നൂർ: ബി.ബി. ഗോപകുമാർ എന്നിങ്ങനെയാണിത്.(Kerala Election Results 2026 Live, NDA leads in five seats)
മാരാർജി ഭവനിൽ സംസ്ഥാന അധ്യക്ഷൻ രാജീവ് ചന്ദ്രശേഖർ ഉൾപ്പെടെയുള്ള നേതാക്കൾ ഫലങ്ങൾ സസൂക്ഷ്മം നിരീക്ഷിക്കുകയാണ്. എക്സിറ്റ് പോൾ പ്രവചനങ്ങൾ ശരിവെക്കുന്ന രീതിയിൽ ഇത്തവണ രണ്ടക്ക സംഖ്യയിൽ സീറ്റുകൾ നേടാൻ കഴിയുമെന്ന ആത്മവിശ്വാസത്തിലാണ് ബിജെപി നേതൃത്വം.
ആദ്യ അര മണിക്കൂറിനുള്ളിൽ യുഡിഎഫ് നില മെച്ചപ്പെടുത്തിയെങ്കിലും എൽഡിഎഫ് പലയിടങ്ങളിലും ഒപ്പത്തിനൊപ്പം പോരാടുന്നുണ്ട്. വോട്ടിങ് യന്ത്രങ്ങളിലെ ആദ്യ റൗണ്ട് ഫലങ്ങൾ പൂർണ്ണമായി പുറത്തുവരുന്നതോടെ മാത്രമേ മണ്ഡലങ്ങളിലെ കൃത്യമായ ചിത്രം വ്യക്തമാകൂ. എങ്കിലും, കഴിഞ്ഞ തവണത്തെ അപേക്ഷിച്ച് ബിജെപി നടത്തുന്ന ഈ മുന്നേറ്റം ഇത്തവണത്തെ തിരഞ്ഞെടുപ്പ് ഫലത്തിൽ വലിയ സ്വാധീനം ചെലുത്തുമെന്ന് ഉറപ്പാണ്.
Story Summary
The initial trends of the 2026 Kerala Assembly Election show the NDA leading in five key seats: Manjeshwaram, Palakkad, Nemom, Kazhakoottam, and Chathannoor. While UDF holds a slight overall lead in 68 seats, LDF is closely following in 54, making it a fierce triangular contest in several pockets.
