തിരുവനന്തപുരം : വോട്ടെണ്ണലിന്റെ ആദ്യ ഒരു മണിക്കൂര് പിന്നിടുമ്പോള് ലീഡ് ഉയര്ത്തി യുഡിഎഫ്. ആദ്യ മണിക്കൂറിൽ എൽഡിഎഫും ഇഞ്ചോടിഞ്ച് പോരാട്ടമായിരുന്നെങ്കിലും നിലവിൽ യുഡിഎഫ് ആണ് മുന്നേറുന്നത്. വോട്ടെണ്ണൽ ഒന്നര മണിക്കൂറിനോട് അടുക്കുമ്പോള് 95 സീറ്റുകളിൽ മുന്നേറി യുഡിഎഫ്. 45 സീറ്റുകളിലാണ് എൽഡിഎഫ് മുന്നേറുന്നത്. എൻഡിഎ അഞ്ച് സീറ്റുകളിലും മുന്നേറുകയാണ്. ധര്മ്മടത്ത് മുഖ്യമന്ത്രി പിണറായി വിജയൻ പിന്നിലാണ്. ആദ്യ റൗണ്ട് എണ്ണിക്കഴിഞ്ഞപ്പോൾ നേമത്ത് എൻഡിഎ 1302 വോട്ടുകൾക്ക് മുന്നിൽ.(Kerala Assembly Election 2026 vote counting UDF leads 80 plus seats)
ഏറ്റവും ശ്രദ്ധേയമായ പോരാട്ടം നടക്കുന്നത് കായംകുളത്താണ്. യുഡിഎഫ് സ്ഥാനാർത്ഥി എം. ലിജു മണ്ഡലത്തിൽ ലീഡ് നിലനിർത്തുന്നു. കായംകുളം നഗരസഭയിലും യുഡിഎഫിന് മികച്ച മുന്നേറ്റമുണ്ട്. കണ്ണൂരിൽ ടിഒ മോഹനന് 3348 സീറ്റുകളുടെ വൻ ലീഡ്. കല്പറ്റയിൽ ലീഡ് ഉയര്ത്തി സിദ്ദീഖ്. രണ്ടാം റൗണ്ടിൽ 4300 വോട്ടിന്റെ ലീഡ്. കാസര്കോട് യുഡിഎഫിന്റെ മായിൻ ഹാജി 4177 വോട്ടിന് മുന്നിൽ.
എറണാകുളം, തിരുവനന്തപുരം, മലപ്പുറം ജില്ലകളിൽ യുഡിഎഫ് വലിയ മുന്നേറ്റമാണ് നടത്തുന്നത്. വോട്ടിങ് യന്ത്രങ്ങളിലെ രണ്ടാം റൗണ്ട് വോട്ടുകൾ എണ്ണിത്തുടങ്ങിയപ്പോൾ പല എൽഡിഎഫ് കോട്ടകളിലും വിള്ളൽ വീഴുന്ന കാഴ്ചയാണ് കാണുന്നത്. ആദ്യ മണിക്കൂറിൽ അഞ്ച് സീറ്റുകളിൽ മുന്നിലായിരുന്ന എൻഡിഎ നിലവിൽ നാല് സീറ്റുകളിലാണ് ലീഡ് ചെയ്യുന്നത്.
എൽഡിഎഫ് മന്ത്രിസഭയിലെ എട്ടു മന്ത്രിമാരാണ് ഇത്തവണ വോട്ടെണ്ണലിന്റെ ആദ്യ മണിക്കൂര് പിന്നിടുമ്പോള് പിന്നിലായിരിക്കുന്നത്. പി രാജീവ്, ചിഞ്ചുറാണി, വിഎൻ വാസവൻ, റോഷി അഗസ്റ്റിൻ, ഒ ആര് കേളു, ആര് ബിന്ദു, വീണ ജോര്ജ്, എംബി രാജേഷ്, കെബി ഗണേഷ് കുമാര് എന്നീ മന്ത്രിമാരാണ് പിന്നിൽ. പാലക്കാട്, മഞ്ചേശ്വരം, നേമം, കഴക്കൂട്ടം എന്നിവിടങ്ങളിൽ ബിജെപി സ്ഥാനാർത്ഥികൾ ശക്തമായ പോരാട്ടം തുടരുന്നു. കണ്ണൂർ, കൊല്ലം ജില്ലകളിലെ ചില മണ്ഡലങ്ങളിൽ എൽഡിഎഫ് ലീഡ് തിരിച്ചുപിടിക്കുന്നുണ്ടെങ്കിലും സംസ്ഥാന തലത്തിൽ യുഡിഎഫിന്റെ ബഹുദൂരം പിന്നിലാണ് നിലവിൽ ഭരണമുന്നണി.
Story Summary
The UDF is showing a strong performance in the 2026 Kerala Assembly Election, leading in 81 seats as of 9:40 AM. A significant highlight is M. Liju’s lead in Kayamkulam, including gains in the LDF stronghold of Pathiyoor. The LDF is trailing with 54 seats, while the NDA maintains a lead in 4 key constituencies.
