വാഷിങ്ടൺ: പശ്ചിമേഷ്യയിൽ നിലനിന്നിരുന്ന സംഘർഷാവസ്ഥയ്ക്ക് വിരാമമിട്ട് അമേരിക്കയും ഇറാനും തമ്മിലുള്ള നിർണായക സമാധാന കരാർ ഒപ്പുവെച്ചു. ഫ്രാൻസിലെ വേഴ്സായ് കൊട്ടാരത്തിൽ വെച്ച് നടന്ന ചടങ്ങിൽ യുഎസ് പ്രസിഡന്റ് ഡോണൾഡ് ട്രംപും ഇറാൻ പ്രസിഡന്റ് മസൂദ് പെസഷ്കിയാനും കരാറിൽ ഇലക്ട്രോണിക് ഒപ്പുകൾ രേഖപ്പെടുത്തി. ഇതോടെ ഇരുരാജ്യങ്ങളും തമ്മിലുള്ള നയതന്ത്ര തടസ്സങ്ങൾ നീങ്ങുകയും മേഖലയിൽ സമാധാനത്തിനുള്ള വാതിൽ തുറക്കപ്പെടുകയും ചെയ്തു.(US Iran Peace Treaty, US And Iran Sign Historic Peace Accord To End Regional Conflict)
ഫ്രഞ്ച് പ്രസിഡന്റ് ഇമ്മാനുവൽ മാക്രോണിന്റെ നേതൃത്വത്തിൽ നടന്ന ഉച്ചകോടിക്കിടയിലാണ് കരാർ ഒപ്പുവെക്കൽ നടന്നത്. കരാർ പ്രകാരം ഹോർമുസ് കടലിടുക്ക് തുറന്നു നൽകാൻ ഇറാൻ സമ്മതിച്ചു. ഇത് മേഖലയിലെ കപ്പൽ ഗതാഗതം സാധാരണ നിലയിലാക്കാൻ സഹായിക്കും.
അടുത്ത 60 ദിവസത്തിനുള്ളിൽ അന്തിമ വ്യവസ്ഥകൾ സംബന്ധിച്ച ചർച്ചകൾ പൂർത്തിയാക്കും. ഇറാനുമേൽ ഏർപ്പെടുത്തിയിരുന്ന ഉപരോധങ്ങൾ നീക്കം ചെയ്യും. യുഎസ് നാവിക വിലക്ക് 30 ദിവസത്തിനുള്ളിൽ അവസാനിക്കും. ഇറാന്റെ പുനരുദ്ധാരണത്തിനും സാമ്പത്തിക വികസനത്തിനുമായി 30,000 കോടി ഡോളറിന്റെ സഹായം ലഭ്യമാക്കും. ഇറാൻ ആണവായുധങ്ങൾ വികസിപ്പിക്കില്ലെന്നും, നിലവിലുള്ള സമ്പുഷ്ടീകരിച്ച യുറേനിയം ഐഎഇഎ (IAEA)യുടെ മേൽനോട്ടത്തിൽ മാറ്റുമെന്നും ഉറപ്പുനൽകി. 60 ദിവസത്തേക്ക് ഹോർമുസ് കടലിടുക്കിലൂടെയുള്ള ഗതാഗതത്തിന് ടോൾ ഒഴിവാക്കും.
കരാർ ഒപ്പുവെച്ചെങ്കിലും, ഇറാൻ ഈ വ്യവസ്ഥകൾ കൃത്യമായി പാലിക്കുമെന്ന് താൻ പ്രതീക്ഷിക്കുന്നതായി പ്രസിഡന്റ് ട്രംപ് വ്യക്തമാക്കി. ഒരുപക്ഷേ ഇറാൻ കരാർ ലംഘിക്കുകയാണെങ്കിൽ കടുത്ത സൈനിക നടപടികൾക്ക് മടിക്കില്ലെന്നും അദ്ദേഹം മുന്നറിയിപ്പ് നൽകി. എന്നാൽ, ഇറാനിയൻ ജനതയെ ബുദ്ധിശാലികളെന്ന് വിശേഷിപ്പിച്ച ട്രംപ്, ഇരുരാജ്യങ്ങളും തമ്മിലുള്ള സൗഹൃദപരമായ സഹകരണത്തിനാണ് മുൻതൂക്കം നൽകുന്നതെന്നും സൂചിപ്പിച്ചു.
Story Summary
The United States and Iran have officially signed a historic peace agreement in France, aimed at ending months of conflict in the Middle East. The deal includes the reopening of the Strait of Hormuz, the lifting of sanctions against Iran, and a commitment from Tehran to abandon nuclear weapons development in exchange for significant economic support.
