ചെന്നൈ: തമിഴ്നാട് മുഖ്യമന്ത്രിയായി അധികാരമേറ്റതിന് പിന്നാലെ നടൻ വിജയിയെ സന്ദർശിച്ച് നടി സാമന്ത. തന്റെ പുതിയ ചിത്രമായ ‘മാ ഇന്റി ബംഗാരം’ പ്രൊമോഷന്റെ ഭാഗമായി ചെന്നൈയിലെത്തിയ സാമന്ത, വിജയിയുമായുള്ള കൂടിക്കാഴ്ചയുടെ വിശേഷങ്ങൾ ഇൻസ്റ്റാഗ്രാമിലൂടെ പങ്കുവെച്ചു. വെള്ളിത്തിരയിലെ നായകനിൽ നിന്ന് തമിഴ്നാടിന്റെ മുഖ്യമന്ത്രിയിലേക്കുള്ള വിജയിയുടെ പരിവർത്തനം തന്നെ അത്ഭുതപ്പെടുത്തിയെന്നും സമാന്ത കുറിച്ചു.(Samantha Meets Tamil Nadu CM Vijay In Chennai)
തമിഴക വെട്രി കഴകം (TVK) തലവൻ വിജയ് മെയിലാണ് തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്തത്. 234 അംഗ നിയമസഭയിൽ 108 സീറ്റുകൾ നേടി ഏറ്റവും വലിയ ഒറ്റക്കക്ഷിയായി വിജയിയുടെ പാർട്ടി അധികാരത്തിൽ എത്തുകയായിരുന്നു. തന്റെ അവസാന ചിത്രമായ ‘ജനനായകൻ’ വിവാദങ്ങളിൽപ്പെട്ട് റിലീസ് നീണ്ടുപോകുന്നതിനിടെയാണ് വിജയ് പൂർണ്ണമായും രാഷ്ട്രീയത്തിലേക്ക് ശ്രദ്ധ കേന്ദ്രീകരിച്ചത്.
“സിനിമയിൽ മാത്രമായി ഒതുങ്ങിനിൽക്കേണ്ട ആളല്ല വിജയ് എന്ന് എനിക്ക് എപ്പോഴും തോന്നിയിട്ടുണ്ട്. അദ്ദേഹത്തിന്റെ ഊർജ്ജസ്വലതയും ജനങ്ങളിലുള്ള സ്വാധീനവും അതിനേക്കാൾ വലിയൊരു ദൗത്യം അദ്ദേഹത്തെ കാത്തിരിക്കുന്നുണ്ടെന്ന് തോന്നിപ്പിച്ചിരുന്നു,” സമാന്ത തന്റെ ഇൻസ്റ്റാഗ്രാം പോസ്റ്റിൽ കുറിച്ചു. വെല്ലുവിളികൾ നിറഞ്ഞ രാഷ്ട്രീയമെന്ന പുതിയ മേഖലയിലേക്ക് ഇറങ്ങാനുള്ള അദ്ദേഹത്തിന്റെ ധൈര്യം മാതൃകാപരമാണെന്നും, തന്റെ പ്രവർത്തനങ്ങളിലൂടെ തമിഴ്നാടിന് മാറ്റങ്ങൾ കൊണ്ടുവരാൻ അദ്ദേഹത്തിന് കഴിയുമെന്നും താരം കൂട്ടിച്ചേർത്തു.
Story Summary
Actress Samantha met recently elected Tamil Nadu Chief Minister Vijay in Chennai and shared her admiration for his transition from cinema to politics. She expressed confidence in his vision while promoting her upcoming film ‘Maa Inti Bangaaram’, a family action-comedy directed by Nandini Reddy.
