കൊച്ചി: മലയാള സിനിമയിലെ എക്കാലത്തെയും വലിയ ഹിറ്റ് ഫ്രാഞ്ചൈസികളിലൊന്നായ ‘ദൃശ്യം’ പരമ്പരയിലെ മൂന്നാം ഭാഗം തിയേറ്ററുകളിൽ വൻ വിജയമായി കുതിക്കുന്നു (Drishyam 3 Box Office Collection). മോഹൻലാൽ നായകനായി മെയ് 21-ന് ആഗോളതലത്തിൽ പ്രദർശനത്തിനെത്തിയ ചിത്രം വെറും ആറ് ദിവസങ്ങൾക്കുള്ളിൽ തന്നെ ആഗോള ബോക്സ് ഓഫീസിൽ 150 കോടിയിലധികം രൂപയുടെ കളക്ഷൻ നേടി ചരിത്ര വിജയം കുറിച്ചിരിക്കുകയാണ്. ഈ വൻ വിജയത്തിന്റെ ആവേശം നിലനിർത്തിക്കൊണ്ട് ചിത്രത്തിന്റെ അണിയറപ്രവർത്തകർ ‘ദൃശ്യം 3’-ന്റെ ആകാംഷഭരമായ ബിഹൈൻഡ് ദ സീൻ ദൃശ്യങ്ങൾ ഇപ്പോൾ ഔദ്യോഗികമായി പുറത്തുവിട്ടിട്ടുണ്ട്. സോഷ്യൽ മീഡിയയിൽ തരംഗമായി മാറിയ ഈ ബിടിഎസ് വീഡിയോ ആരാധകർ ഏറ്റെടുത്തുകഴിഞ്ഞു.
മലയാള സിനിമാപ്രേമികൾ ഒന്നടങ്കം ഏറ്റവും കൂടുതൽ കാത്തിരുന്ന ചിത്രങ്ങളിൽ ഒന്നായിരുന്നു ദൃശ്യം 3. ആദ്യ രണ്ട് ഭാഗങ്ങളുടെയും വമ്പൻ വിജയവും ജോർജുകുട്ടിയുടെയും കുടുംബത്തിന്റെയും കഥയിലുള്ള ആകാംഷയുമാണ് മൂന്നാം ഭാഗത്തിന് ഇത്രയേറെ സ്വീകാര്യത നൽകിയത്. തങ്ങളുടെ കുടുംബത്തിലേക്ക് അപ്രതീക്ഷിതമായി കടന്നുവന്ന അതിഥിയെ ചുറ്റിപ്പറ്റി ജീവിക്കുന്ന ജോർജുകുട്ടിയും കുടുംബവും ഒടുവിൽ പോലീസ് പിടിയിലാകുമോ അതോ നാലാം ക്ലാസുകാരന്റെ കൂർമ്മബുദ്ധിയോടെ വീണ്ടും രക്ഷപ്പെടുമോ എന്ന ചോദ്യത്തിനാണ് മൂന്നാം ഭാഗം മറുപടി നൽകുന്നത്. വൈകാരിക നിമിഷങ്ങൾക്ക് ഏറെ പ്രാധാന്യം നൽകിക്കൊണ്ട് ഒരുക്കിയ മൂന്നാം ഭാഗം പ്രേക്ഷകരുടെ പ്രതീക്ഷകൾ പൂർണ്ണമായും കാത്തുസൂക്ഷിച്ചുകൊണ്ട് ബോക്സ് ഓഫീസിൽ പുതിയ റെക്കോർഡുകൾ കുറിക്കുകയാണ്.
Summary: The highly anticipated Malayalam movie ‘Drishyam 3’, starring Mohanlal, has entered the prestigious 150 crore club at the global box office within days of its release. Following this massive theatrical success, the makers have officially released the behind-the-scenes (BTS) footage of the film. The third installment of this hit franchise focuses heavily on emotional elements, successfully living up to the massive expectations of the audience.
