രണ്ടാമതും അമ്മയാകാൻ ഒരുങ്ങുന്ന ബോളിവുഡ് താരം ദീപിക പദുകോണിന്റെ പുതിയ പരസ്യചിത്രം സോഷ്യൽ മീഡിയയിൽ തരംഗമാകുന്നു. ഗർഭകാലത്തിന്റെ തിളക്കത്തിൽ അതീവ സുന്ദരിയായാണ് താരം പരസ്യത്തിൽ പ്രത്യക്ഷപ്പെട്ടിരിക്കുന്നത് (Deepika Padukone Baby bump ad). ഒരു ആഗോള ഹോട്ടൽ ശൃംഖലയ്ക്കുവേണ്ടി തയ്യാറാക്കിയ പരസ്യത്തിൽ നീല നിറത്തിലുള്ള സ്റ്റൈലിഷ് കോസ്റ്റ്യൂമിലാണ് ദീപിക എത്തുന്നത്. പരസ്യചിത്രീകരണ വേളയിലും താരം ഗർഭിണിയായിരുന്നു എന്നാണ് റിപ്പോർട്ടുകൾ സൂചിപ്പിക്കുന്നത്.
സോഷ്യൽ മീഡിയയിൽ ചിത്രം പങ്കുവെച്ചതോടെ ആരാധകർ ആവേശത്തോടെയാണ് പ്രതികരിച്ചത്. ദീപികയുടെ സൗന്ദര്യത്തെയും ഗർഭകാലത്തെ തിളക്കത്തെയും പ്രശംസിച്ച് നിരവധി പേരാണ് കമന്റുകളുമായി രംഗത്തെത്തിയത്. “ദീപികയുടെ പുതിയ അതിഥിയെ വരവേൽക്കാൻ തയ്യാറെടുക്കുന്ന അമ്മ,” എന്നും മറ്റൊരാൾ “ആ ചെറിയ ബേബി ബമ്പ്” എന്നും കമന്റ് ചെയ്തു. വലിയ സ്വീകാര്യതയാണ് പരസ്യചിത്രത്തിന് ലഭിച്ചുകൊണ്ടിരിക്കുന്നത്.
ഈ വർഷം ഏപ്രിലിലാണ് ദീപിക രണ്ടാമതും ഗർഭിണിയാണെന്ന സന്തോഷവാർത്ത പങ്കുവെച്ചത്. ആദ്യ മകൾ ദുവയോടൊപ്പമുള്ള ചിത്രത്തിലൂടെയായിരുന്നു താരം ഈ വിവരം ആരാധകരെ അറിയിച്ചത്. 2018 നവംബറിലായിരുന്നു ദീപികയും രൺവീർ സിംഗും തമ്മിലുള്ള വിവാഹം. 2024 സെപ്റ്റംബറിലാണ് ദമ്പതികൾക്ക് ആദ്യത്തെ കുഞ്ഞ് ദുവ പിറന്നത്.
സിനിമയിലേക്കു വരികയാണെങ്കിൽ, ഷാരൂഖ് ഖാനൊപ്പം ‘കിംഗ്’ എന്ന ചിത്രമാണ് ദീപികയുടേതായി അടുത്തതായി പുറത്തിറങ്ങാനുള്ളത്. സിദ്ധാർത്ഥ് ആനന്ദ് സംവിധാനം ചെയ്യുന്ന ഈ ചിത്രത്തിൽ അനിൽ കപൂർ, റാണി മുഖർജി, അഭിഷേക് ബച്ചൻ തുടങ്ങിയവരും പ്രധാന വേഷങ്ങളിലെത്തുന്നുണ്ട്. ഡിസംബർ 24-ന് ചിത്രം തിയേറ്ററുകളിലെത്തും. കൂടാതെ, അറ്റ്ലിയുടെ സംവിധാനത്തിൽ അല്ലു അർജുനൊപ്പമുള്ള ‘രാക’ എന്ന ചിത്രത്തിലും ദീപിക വേഷമിടുന്നുണ്ട്.
Summary: Deepika Padukone has captured the hearts of fans after appearing in a new advertisement for a global hotel chain, where she gracefully flaunts her baby bump. The actress, currently expecting her second child with Ranveer Singh, announced the pregnancy in April, and fans have been flooding social media with compliments for her radiant look in the commercial.
