ഹൈദരാബാദിലെ പുഷ്പ 2 പ്രീമിയറിനിടെയുണ്ടായ തിക്കിലും തിരക്കിലും പെട്ട് ഗുരുതരമായി പരിക്കേറ്റ പത്തു വയസുകാരൻ ശ്രീതേജിന്റെ വീട്ടിൽ സന്ദർശനം നടത്തി അല്ലു അർജുന്റെ ഭാര്യ സ്നേഹ റെഡ്ഡിയും കുടുംബവും (Pushpa 2 Premiere Accident). രണ്ട് വർഷമായി കുട്ടിയുടെ ചികിത്സാ ചെലവുകൾ പൂർണ്ണമായും വഹിക്കുന്നത് അല്ലു അർജുനാണ്. സ്നേഹയ്ക്കൊപ്പം അല്ലു അർജുന്റെ പിതാവും നിർമ്മാതാവുമായ അല്ലു അരവിന്ദും കുടുംബത്തിന്റെ ക്ഷേമമന്വേഷിക്കാൻ എത്തിയിരുന്നു.
മറക്കാനാവാത്ത ആ ദുരന്തം 2024 ഡിസംബർ 4-ന് ഹൈദരാബാദിലെ സന്ധ്യ തിയേറ്ററിൽ നടന്ന പുഷ്പ 2 പ്രീമിയറിനിടെയാണ് വൻ ദുരന്തം സംഭവിച്ചത്. തിരക്കിൽ പെട്ട് ശ്രീതേജിന് ഗുരുതരമായി പരിക്കേൽക്കുകയും കുട്ടിയുടെ അമ്മയ്ക്ക് ജീവൻ നഷ്ടപ്പെടുകയും ചെയ്തിരുന്നു. മാസങ്ങളോളം വെന്റിലേറ്ററിൽ കഴിഞ്ഞ ശ്രീതേജിനെ 2025 ഏപ്രിലിലാണ് ആശുപത്രിയിൽ നിന്നും ഡിസ്ചാർജ് ചെയ്തത്. നിലവിൽ രാംഗോപാൽപേട്ടിലെ പുനരധിവാസ കേന്ദ്രത്തിൽ ചികിത്സ തുടരുകയാണ്.
കരുതലുമായി അല്ലു കുടുംബം ശ്രീതേജിന്റെ ചികിത്സയ്ക്കും കുടുംബത്തിന്റെ ഭാവി സുരക്ഷയ്ക്കുമായി വലിയ പിന്തുണയാണ് താരം നൽകുന്നത്.
ശ്രീതേജിന്റെ പേരിൽ 2 കോടി രൂപയുടെ സ്ഥിരനിക്ഷേപം അല്ലു അർജുൻ നടത്തിയിട്ടുണ്ട്. ഇതിൽ നിന്നും മാസം തോറും ലഭിക്കുന്ന 1.5 ലക്ഷം രൂപ പലിശ ചികിത്സയ്ക്കായി ഉപയോഗിക്കാം. നിലവിൽ മാസത്തിൽ 3 ലക്ഷം രൂപയോളം വരുന്ന ചികിത്സാ ചെലവുകൾ താരം തന്നെയാണ് വഹിക്കുന്നത്. ശ്രീതേജിന്റെ ഇളയ സഹോദരിയുടെ വിദ്യാഭ്യാസ ചെലവുകൾ ഏറ്റെടുത്തിരിക്കുന്നത് അല്ലു അരവിന്ദാണ്.
സംസാരിക്കാനും ഭക്ഷണം കഴിക്കാനും ബുദ്ധിമുട്ടുന്ന ശ്രീതേജിന്റെ ആരോഗ്യനിലയിൽ നേരിയ പുരോഗതി മാത്രമാണുള്ളതെന്ന് പിതാവ് ഭാസ്കർ പറയുന്നു. എങ്കിലും, അപകടം നടന്ന നാൾ മുതൽ തങ്ങൾക്കൊപ്പം നിൽക്കുന്ന അല്ലു അർജുനും മൈത്രി മൂവി മേക്കേഴ്സിനും കുടുംബം നന്ദി അറിയിച്ചു.
Story Summary: Allu Arjun’s wife Sneha Reddy and father Allu Aravind visited Sritej, a 10-year-old boy severely injured during the Pushpa 2 premiere crush in 2024. Allu Arjun has taken full responsibility for the boy’s medical expenses, created a ₹2 crore fixed deposit for him, and continues to support the family.
