തിരുവനന്തപുരം: സംസ്ഥാന പൊതുവിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന സ്റ്റേറ്റ് റിസോഴ്സ് സെന്ററിന്റെ (SRC) എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിലേക്കുള്ള കോഴ്സുകളിലേക്ക് അപേക്ഷ ക്ഷണിച്ചു (Diploma in Airline and Airport Management Kerala). എവിയേഷൻ മേഖലയിൽ കരിയർ ആഗ്രഹിക്കുന്നവർക്കായി ഒരുക്കുന്ന ‘ഡിപ്ലോമ ഇൻ എയർലൈൻ & എയർപോർട്ട് മാനേജ്മെന്റ്’ (Diploma in Airline & Airport Management) പ്രോഗ്രാമിലേക്കാണ് ഇപ്പോൾ പ്രവേശനം ആരംഭിച്ചിരിക്കുന്നത്.
പ്ലസ്ടു അല്ലെങ്കിൽ തത്തുല്യമായ യോഗ്യതയുള്ള ഉദ്യോഗാർത്ഥികൾക്ക് ഈ കോഴ്സിലേക്ക് അപേക്ഷിക്കാൻ അർഹതയുണ്ട്. താല്പര്യമുള്ളവർക്ക് https://app.srccc.in/register എന്ന നേരിട്ടുള്ള ലിങ്ക് വഴി ഓൺലൈനായി രജിസ്റ്റർ ചെയ്യാം. കോഴ്സിന്റെ കൂടുതൽ വിവരങ്ങളും സിലബസും അറിയാൻ www.srccc.in എന്ന ഔദ്യോഗിക വെബ്സൈറ്റ് സന്ദർശിക്കാവുന്നതാണ്.
പൂരിപ്പിച്ച അപേക്ഷകൾ സ്വീകരിക്കുന്ന അവസാന തീയതി ജൂലൈ 20 ആണ്. കൂടുതൽ വിവരങ്ങൾക്കും സംശയനിവാരണങ്ങൾക്കുമായി 0471 2570471, 9846033001 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.
Story Summary: The SRC Community College, under the State Resource Centre of the Kerala General Education Department, has invited applications for its Diploma in Airline & Airport Management program for the July session. Plus-two qualified candidates can apply online by July 20 through the official registration portal.
