തിരുവനന്തപുരം: തലസ്ഥാനത്തെ പ്രമുഖ അമ്യൂസ്മെന്റ് പാർക്കിൽ റൈഡ് പൊട്ടി വീണ് അപകടം (Happy Land Amusement Park Accident). തിരുവനന്തപുരം വെമ്പായത്തുള്ള ‘ഹാപ്പി ലാൻഡ്’ അമ്യൂസ്മെന്റ് പാർക്കിലാണ് ഞെട്ടിക്കുന്ന സംഭവം ഉണ്ടായിരിക്കുന്നത്. അപകടത്തിൽ നിരവധി പേർക്ക് പരിക്കേറ്റതായാണ് പ്രാഥമിക വിവരങ്ങൾ. തമിഴ്നാട് സ്വദേശികൾക്കാണ് പരുക്കേറ്റത്. ഇവരിൽ മനോരതി (54), സീമണി (49), മാലിനി (49), ശ്യാം ഡാനിയൽ (14), റോസ് (16). ശ്യാം ഡാനിയൽ, റോസ് എന്നിരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
പാർക്കിൽ സന്ദർശകർ കയറിയ റൈഡുകളിൽ ഒന്ന് പെട്ടെന്ന് പൊട്ടി താഴേക്ക് വീഴുകയായിരുന്നു. അപകടം നടന്ന ഉടൻ തന്നെ പാർക്ക് അധികൃതരും സ്ഥലത്തുണ്ടായിരുന്നവരും ചേർന്ന് രക്ഷാപ്രവർത്തനം ആരംഭിച്ചു. പരിക്കേറ്റവരെ ഉടനടി തന്നെ അടുത്തുള്ള ആശുപത്രിയിലേക്ക് മാറ്റിയിട്ടുണ്ട്.
റൈഡ് തകരാൻ ഉണ്ടായ കൃത്യമായ കാരണവും പരിക്കേറ്റവരുടെ ആരോഗ്യനില സംബന്ധിച്ച കൂടുതൽ വിവരങ്ങളും ലഭ്യമായി വരുന്നതേയുള്ളൂ.സംഭവത്തിൽ അധികൃതർ അന്വേഷണം ആരംഭിച്ചിട്ടുണ്ട്.
Summary: A major accident occurred at the Happy Land Amusement Park in Vembayam, Thiruvananthapuram, when an operational ride suddenly broke and collapsed. Several visitors sustained injuries in the incident and were immediately rushed to a nearby hospital for treatment. Local authorities are investigating the cause of the ride failure.
