വെളിച്ചക്കുറവ്: വയനാട്ടിൽ യുവാവിനെ കൊലപ്പെടുത്തിയ ആനയെ ഇന്നു മയക്കുവെടി വയ്ക്കില്ല
Feb 10, 2024, 19:07 IST
![വെളിച്ചക്കുറവ്: വയനാട്ടിൽ യുവാവിനെ കൊലപ്പെടുത്തിയ ആനയെ ഇന്നു മയക്കുവെടി വയ്ക്കില്ല](https://timeskerala.com/static/c1e/client/91214/uploaded/d770abf4545433a1d7529f65b427cabb.png)
മാനന്തവാടി: വയനാട് മാനന്തവാടിയിൽ അജീഷ് എന്ന യുവാവിനെ കൊലപ്പെടുത്തിയ ബേലൂര് മാഗ്നയെ ഇന്നു മയക്കുവെടി വയ്ക്കില്ല. വെളിച്ചക്കുറവ് മൂലം ആനയെ ഇന്നു മയക്കുവെടി വയ്ക്കില്ലെന്ന് വനംവകുപ്പ് അധികൃതർ അറിയിച്ചു. ആനയെ പിടിക്കാനുള്ള ദൗത്യത്തിനായി വിക്രം, ഭരത്, സൂര്യ, സുരേന്ദ്രൻ എന്നീ കുങ്കിയാനകളെ എത്തിക്കും. ഭരതും സൂര്യയും കുടുവാ ദ്വീപിലെത്തിയിട്ടുണ്ട്.
ആനയെ നിരീക്ഷിക്കാനായി സ്ഥലത്ത് കൂടുതൽ വനവകുപ്പ് ജീവനക്കാരെയും നിയോഗിച്ചിട്ടുണ്ട്. ചാലിഗദ്ദയിൽനിന്നു റേഡിയോ കോളർ സിഗ്നൽ കിട്ടിത്തുടങ്ങിയെന്നും വനംവകുപ്പിന്റെ ആന്റിനയുടെ 150 മീറ്റർ പരിധിയിൽ ആനയുണ്ടെന്നും അധികൃതർ അറിയിച്ചു. യുവാവിനെ ആക്രമിച്ച സ്ഥലത്തിനു സമീപമാണ് ആന നിലവിലുള്ളതെന്നും വനം വകുപ്പ് അധികൃതർ വ്യക്തമാക്കി.
![](https://timeskerala.com/static/c1e/static/themes/16/91214/3752/images/New-Creative-.png)