ലഖ്നൗ: മരുമകളെ മാസങ്ങളോളം ക്രൂരമായ ലൈംഗിക-ഗാർഹിക പീഡനങ്ങൾക്കിരയാക്കിയ റെയിൽവേ സീനിയർ എൻജിനീയർ ഉത്തർപ്രദേശ് പോലീസിന്റെ പിടിയിലായി. റെയിൽവേയിൽ ഉദ്യോഗസ്ഥനായ മുകേഷ് കുമാർ തിവാരി (58) ആണ് അറസ്റ്റിലായത്. പീഡനവിവരം പുറത്തായതോടെ ഒളിവിൽ പോയ ഇയാളെ മാസങ്ങൾ നീണ്ട തെരച്ചിലിനൊടുവിൽ ആലംബാഗിലെ റെയിൽവേ കാര്യേജ് റിപ്പയർ വർക്ക്ഷോപ്പിന് സമീപത്തുള്ള രഹസ്യ താവളത്തിൽ നിന്നാണ് പോലീസ് പിടികൂടിയത്.(Railway Senior Engineer Arrested In Lucknow For Raping And Torturing Daughter In Law)
2023 നവംബറിലായിരുന്നു മുകേഷ് കുമാറിന്റെ മകനും യുവതിയും തമ്മിലുള്ള വിവാഹം നടന്നത്. വിവാഹസമയത്ത് തന്നെ സ്ത്രീധനത്തിന്റെ പേരിൽ യുവതി കടുത്ത മാനസിക-ശാരീരിക പീഡനങ്ങൾ നേരിട്ടിരുന്നു. യുവതിയെ ഭീഷണിപ്പെടുത്തി നിർബന്ധിച്ച് മദ്യം കുടിപ്പിക്കുന്നതടക്കമുള്ള ക്രൂരതകൾ ഭർതൃവീട്ടുകാർ കാട്ടിയിരുന്നു. 2024 ഏപ്രിൽ 20-നാണ് മുകേഷ് കുമാർ യുവതിയെ അതിക്രൂരമായി പീഡിപ്പിക്കുന്നത്.
മൂന്ന് ദിവസത്തോളം മുറിയിൽ പൂട്ടിയിട്ടായിരുന്നു പീഡനം. ഇതിനിടയിൽ യുവതി രഹസ്യമായി പോലീസിനെ വിവരമറിയിച്ചതോടെയാണ് ക്രൂരത പുറംലോകമറിഞ്ഞത്. യുവതിയുടെ ഭർത്താവും സുഹൃത്തുക്കളും ഭർതൃസഹോദരിമാരും വീട്ടിൽ നിരന്തരം മദ്യപാർട്ടികൾ സംഘടിപ്പിക്കാറുണ്ടായിരുന്നു. ഇതിനെക്കുറിച്ച് ഭർതൃപിതാവിനോട് പരാതിപ്പെട്ടപ്പോൾ, അത്തരം പാർട്ടികൾ പണക്കാരുടെ വിനോദങ്ങളാണെന്ന് പറഞ്ഞ് ഇയാൾ മരുമകളെ അധിക്ഷേപിക്കുകയായിരുന്നു.
Story Summary
A 58-year-old Railway Senior Engineer, Mukesh Kumar Tiwari, was arrested in Lucknow for allegedly torturing and raping his daughter-in-law after keeping her locked in a room for three days. The victim, who faced severe dowry harassment and was forced to consume alcohol by her in-laws, managed to secretly contact the police, leading to the arrest of the accused who had been evading capture for months.
