ബംഗളൂരു: പ്രമുഖ ഐ.ടി കമ്പനിയായ ക്യാപ്ജെമിനിയുടെ ക്യാമ്പസിനുള്ളിൽ പ്രവർത്തിച്ചിരുന്ന ഡേ കെയർ സെന്ററിൽ പിഞ്ചുകുഞ്ഞുങ്ങൾക്ക് നേരെ ക്രൂരമായ പീഡനമുണ്ടായ സംഭവത്തിൽ നടപടി. സംഭവത്തിൽ അഞ്ച് ജീവനക്കാരെ പോലീസ് കസ്റ്റഡിയിലെടുത്തു. കുട്ടികളെ വാഷിംഗ് മെഷീനിൽ അടച്ചിടുക, വെള്ളം നിറഞ്ഞ ചെറിയ ഡ്രമ്മുകളിൽ നിർബന്ധിതമായി താഴ്ത്തി വെക്കുക, ടോയ്ലറ്റ് ജെറ്റ് സ്പ്രേ ഉപയോഗിച്ച് വായിലേക്ക് വെള്ളം അടിക്കുക തുടങ്ങിയ ഭയാനകമായ പീഡനങ്ങളാണ് ഇവർ നടത്തിയിരുന്നതെന്ന് എഫ്.ഐ.ആറിൽ പറയുന്നു.(Bengaluru daycare abuse, NCPCR Investigates Horrific Child Abuse Case At Bengaluru IT Campus Daycare)
സംഭവം അറിഞ്ഞയുടൻ ബാലാവകാശ സംരക്ഷണ കമ്മീഷൻ (NCPCR) സ്വമേധയാ കേസെടുത്തു. വസ്തുതാന്വേഷണത്തിനായി കമ്മീഷൻ നിയോഗിച്ച പ്രത്യേക സംഘം ജൂലൈ 3-ന് ബംഗളൂരു സന്ദർശിക്കും. സീനിയർ ടെക്നിക്കൽ എക്സ്പെർട്ട് പരേഷ് ഷായുടെ നേതൃത്വത്തിലുള്ള സംഘമാണ് അന്വേഷണം നടത്തുന്നത്.
അപകടകരമായ സംഭവങ്ങൾ പുറത്തുവന്നതോടെ ഡേ കെയർ സെന്റർ താൽക്കാലികമായി അടച്ചുപൂട്ടി. ജീവനക്കാരുടെയും കുടുംബങ്ങളുടെയും സുരക്ഷയ്ക്കാണ് മുൻഗണനയെന്നും, സംഭവത്തിൽ പോലീസുമായി പൂർണ്ണമായി സഹകരിക്കുന്നുണ്ടെന്നും ക്യാപ്ജെമിനി അധികൃതർ വ്യക്തമാക്കി. കുട്ടികൾ പീഡനത്തിനിരയാകുന്നതിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് പരാതിയുമായി അധികൃതർ രംഗത്തെത്തിയത്.
Story Summary
Five caretakers at a daycare facility inside the Capgemini IT campus in Bengaluru have been arrested for the horrific abuse of toddlers, including locking them in washing machines and using toilet jet sprays on them. Following the emergence of viral videos, the NCPCR has launched a fact-finding inquiry, and the facility has been temporarily shut down as police investigation continues.
