ന്യൂഡൽഹി : വടക്കേ അമേരിക്ക കേന്ദ്രീകരിച്ച് പ്രവർത്തിക്കുന്ന അന്താരാഷ്ട്ര മയക്കുമരുന്ന് കടത്ത് സംഘത്തിലെ പ്രധാനിയായ ഇന്ത്യൻ പൗരൻ അമൃത്പാൽ സിംഗിനെ (30) എഫ്.ബി.ഐ തങ്ങളുടെ മോസ്റ്റ് വാണ്ടഡ് ക്രിമിനലുകളുടെ പട്ടികയിൽ ഉൾപ്പെടുത്തി. കാനഡയിലെ വാൻകൂവർ ആസ്ഥാനമായി പ്രവർത്തിക്കുന്ന ‘രവീന്ദർ ധാന്ധ’ സംഘടിത കുറ്റകൃത്യ ശൃംഖലയിലെ അംഗമാണ് ഇയാളെന്ന് യു.എസ് അന്വേഷണ ഏജൻസി വ്യക്തമാക്കി.(Amritpal Singh, FBI Places Indian National On Most Wanted List)
അമേരിക്ക, കാനഡ, മെക്സിക്കോ എന്നീ രാജ്യങ്ങൾ കേന്ദ്രീകരിച്ച് പ്രവർത്തിക്കുന്ന മയക്കുമരുന്ന് കാർട്ടലുകൾക്കായി വൻതോതിൽ കൊക്കെയ്ൻ, മെത്താംഫെറ്റമൈൻ തുടങ്ങിയ മാരക മയക്കുമരുന്നുകൾ കടത്തിയതിനാണ് അമൃത്പാൽ സിംഗിനെതിരെ കേസെടുത്തിട്ടുള്ളത്. ‘ഓപ്പറേഷൻ ഹാർഡ് ബോൾ’ എന്ന പേരിൽ രവീന്ദർ ധാന്ധ സംഘത്തെ തകർക്കാൻ എഫ്.ബി.ഐ നടത്തുന്ന വ്യാപകമായ തിരച്ചിലിന്റെ ഭാഗമായാണ് അമൃത്പാലിനെ കറുത്ത പട്ടികയിൽ ഉൾപ്പെടുത്തിയത്.
ഇയാളെ പിടികൂടുന്നതിനായി ലോസ് ആഞ്ചലസിലെ ഫെഡറൽ കോടതി കഴിഞ്ഞ ജൂൺ 23-ന് അറസ്റ്റ് വാറന്റ് പുറപ്പെടുവിച്ചിരുന്നു. 1996 ജനുവരി 7-ന് ജനിച്ച ഇയാളുടെ 2024-ലെ ചിത്രവും മറ്റ് വിവരങ്ങളും എഫ്.ബി.ഐ പുറത്തുവിട്ടിട്ടുണ്ട്. ഇയാളെക്കുറിച്ച് എന്തെങ്കിലും വിവരം ലഭിക്കുന്നവർ എഫ്.ബി.ഐയെ അറിയിക്കണമെന്ന് അഭ്യർത്ഥിച്ചിട്ടുണ്ട്. എഫ്.ബി.ഐയുടെ ലോസ് ആഞ്ചലസ് ഫീൽഡ് ഓഫീസാണ് അന്വേഷണത്തിന് നേതൃത്വം നൽകുന്നത്.
Story Summary
Indian national Amritpal Singh has been named on the FBI’s Most Wanted list for his alleged involvement in the Ravinder Dhanda transnational drug smuggling syndicate operating across North America. Charged under “Operation Hardball” for trafficking cocaine and methamphetamine, a federal arrest warrant was issued against him in Los Angeles.
