ന്യൂഡൽഹി: നീറ്റ് പരീക്ഷാ പേപ്പർ ചോർച്ചയെത്തുടർന്നുള്ള രാജ്യവ്യാപക വിദ്യാർത്ഥി പ്രക്ഷോഭങ്ങൾക്ക് പിന്നാലെ കേന്ദ്ര വിദ്യാഭ്യാസ മന്ത്രിസ്ഥാനം രാജിവച്ച ധർമ്മേന്ദ്ര പ്രധാന് പാർലമെന്റിൽ ആവേശകരമായ സ്വീകരണം നൽകി ബിജെപി-എൻഡിഎ എംപിമാർ. തിങ്കളാഴ്ച പാർലമെന്റിലെത്തിയ പ്രധാനെ “ധർമ്മേന്ദ്ര പ്രധാൻ സിന്ദാബാദ്” എന്ന മുദ്രാവാക്യങ്ങളോടെയാണ് ഭരണകക്ഷി അംഗങ്ങൾ സ്വീകരിച്ചത്.(Dharmendra Pradhan received a warm welcome from BJP and NDA)
കാറിൽ നിന്നിറങ്ങി നമസ്കാരം പറഞ്ഞ് പാർലമെന്റിലേക്ക് നടന്ന അദ്ദേഹത്തിന് ചുറ്റും എൻഡിഎ എംപിമാർ തടിച്ചുകൂടുകയും പരമ്പരാഗത തൊപ്പിയും ഷാളും അണിയിച്ച് മുതിർന്ന നേതാവിന് പിന്തുണ പ്രഖ്യാപിക്കുകയും ചെയ്തു. അതേസമയം, രാജിവച്ച ധർമ്മേന്ദ്ര പ്രധാന് നൽകിയ ആഘോഷപൂർവ്വമായ സ്വീകരണത്തിനെതിരെ രൂക്ഷവിമർശനവുമായി കോൺഗ്രസ് രംഗത്തെത്തി.
“ബിൽക്കിസ് ബാനു കേസ് പ്രതികൾക്ക് നൽകിയ അതേ സ്വീകരണമാണ് ഇവിടെയും കാണുന്നത്. ഇത് ഭരണകക്ഷിയുടെ ശീലമാണ്,” എന്ന് കോൺഗ്രസ് രാജ്യസഭാ എംപി രേണുക ചൗധരി വിമർശിച്ചു. നീറ്റ് പരീക്ഷാ ക്രമക്കേടുകളുമായി ബന്ധപ്പെട്ട് ആഴ്ചകൾ നീണ്ട സമരം ശനിയാഴ്ച പ്രധാന്റെ രാജിയോടെയാണ് കലാശിച്ചത്.
Story Summary
Former Union Education Minister Dharmendra Pradhan received a warm welcome from BJP and NDA MPs as he arrived at Parliament on Monday following his resignation over the NEET paper leak controversy. NDA leaders cheered with slogans and presented him with a traditional cap and shawl.
