കണ്ണൂർ: തനിക്കെതിരെ സോഷ്യൽ മീഡിയയിലൂടെയും യൂട്യൂബ് ചാനലുകളിലൂടെയും വ്യാജവാർത്തകൾ പ്രചരിപ്പിക്കുന്നതിനെതിരെ വിതുമ്പലോടെ പ്രതികരിച്ച് സി പി എം നേതാവ് പി.കെ. ശ്രീമതി. ഏതോ എം.എൽ.എയുടെ ഭാര്യയായി നടിച്ച് നിയമസഭയിൽ നിന്ന് പെൻഷൻ വാങ്ങുന്നു എന്നതുൾപ്പെടെയുള്ള അസംബന്ധ പ്രചാരണങ്ങളാണ് തനിക്കെതിരെ നടക്കുന്നതെന്ന് അവർ വ്യക്തമാക്കി.(PK Sreemathi Legal Action Against Youtube Channels Over Fake News Allegations)
ഇത്തരം വ്യാജവാർത്തകൾ പ്രചരിപ്പിക്കുന്ന യൂട്യൂബ് ചാനലുകൾക്കും വ്യക്തികൾക്കുമെതിരെ നിയമനടപടികൾ ആരംഭിച്ചതായി അവർ അറിയിച്ചു. ഏറെക്കാലമായി തനിക്കെതിരെ നിരന്തരം വ്യാജ പ്രചാരണങ്ങൾ തുടരുകയാണ്, കുടുംബത്തെ പോലും വെറുതെ വിടുന്നില്ല എന്നും അവർ കൂട്ടിച്ചേർത്തു.
‘തീവ്രത’ എന്ന വാക്ക് താൻ ഉപയോഗിച്ചിട്ടില്ല എന്നും, എല്ലാ പരിധികളും ലംഘിച്ച് വൃത്തികെട്ട രീതിയിലാണ് പ്രചരണം നടക്കുന്നത് എന്നും പി.കെ. ശ്രീമതി പറഞ്ഞു. ആരോടും ഈ രീതിയിൽ പെരുമാറരുതെന്ന് അവർ പറഞ്ഞു. സമൂഹത്തിൽ അവമതിപ്പുണ്ടാക്കുക എന്ന വ്യക്തമായ ലക്ഷ്യത്തോടെയാണ് ഈ ആസൂത്രിത നീക്കമെന്നും പി.കെ. ശ്രീമതി കൂട്ടിച്ചേർത്തു.
Story Summary
P.K. Sreemathi broke down while addressing fake news campaigns targeted at her, including claims that she is drawing an assembly pension posing as an MLA’s wife. She announced legal action against YouTube channels promoting these allegations and condemned the personal attacks against her and her family.
