കാരക്കസ്: വെനസ്വേലയിൽ ഹാന്റാ വൈറസ് ബാധിച്ച് മൂന്ന് പേർ മരിച്ചതായി ആരോഗ്യ മന്ത്രാലയം സ്ഥിരീകരിച്ചു. അൻസോവാടെഗി പ്രവിശ്യയിലെ ഗ്രാമീണ മേഖലയിലുള്ള ഒരു കുടുംബത്തിലെ മൂന്ന് അംഗങ്ങളാണ് മരിച്ചത്. മനുഷ്യനിൽ നിന്ന് മനുഷ്യനിലേക്ക് നേരിട്ട് രോഗം പടരുന്നതായി തെളിവുകളൊന്നുമില്ലെന്നും നിലവിൽ ആശങ്കപ്പെടേണ്ട സാഹചര്യമില്ലെന്നും സർക്കാർ അറിയിച്ചു.(Venezuela Hantavirus Deaths, Venezuela Confirms Three Deaths From Hantavirus Outbreak)
മറ്റൊരു പ്രവിശ്യയായ ബാരിനാസിൽ രണ്ട് ആരോഗ്യ പ്രവർത്തകർ മരിച്ച സംഭവത്തിലും ഹന്തവൈറസ് ബാധ സംശയിക്കുന്നുണ്ട്. എന്നാൽ ഇത് സംബന്ധിച്ച അന്വേഷണം പുരോഗമിക്കുകയാണെന്നും അൻസോവാടെഗിയിലെ മരണങ്ങളുമായി ഇതിന് ബന്ധമില്ലെന്നും മന്ത്രാലയം വ്യക്തമാക്കി.
എലികൾ, പെരുച്ചാഴികൾ തുടങ്ങിയ കരണ്ടുതീനികളുടെ മൂത്രം, വിസർജ്ജനം, ഉമിനീര് എന്നിവയുമായുള്ള സമ്പർക്കത്തിലൂടെയാണ് രോഗം പ്രധാനമായും മനുഷ്യരിലേക്ക് പകരുന്നത്. രൂക്ഷമായ അവസ്ഥയിൽ ശ്വാസകോശ സംബന്ധമായ കടുത്ത രോഗങ്ങൾക്കും വൃക്കകളുടെ പ്രവർത്തനരഹിതമാകലിനും ഇത് കാരണമാകാം. ഫലപ്രദമായ വാക്സിനോ പ്രത്യേക മരുന്നുകളോ നിലവിലില്ലാത്തതിനാൽ പ്രതിരോധമാണ് പ്രധാനം. മരണനിരക്ക് 30 ശതമാനം വരെ ഉയർന്നേക്കാം.
Story Summary
Venezuela has confirmed three deaths due to rodent-borne Hantavirus in Anzoátegui state, while investigating two other suspected deaths in Barinas. Health authorities stressed that there is no evidence of human-to-human transmission in the country and described the cases as isolated incidents posing no general threat to the public.
