കൊച്ചി: പെരുമ്പാവൂർ എംഎൽഎ മനോജ് മൂത്തേടൻ മോശമായി പെരുമാറിയെന്ന് ആരോപിച്ച് പെരുമ്പാവൂർ താലൂക്ക് ആശുപത്രിയിലെ ഡോക്ടർമാർ ഒപി ബഹിഷ്കരിച്ച് പ്രതിഷേധിക്കുന്നു. കൂവപ്പടി സ്വദേശിയുടെ മൃതദേഹം ആശുപത്രിയിലെ ഫ്രീസറിൽ വയ്ക്കുന്നതുമായി ബന്ധപ്പെട്ട് കഴിഞ്ഞ ദിവസം ആശുപത്രിയിലുണ്ടായ തർക്കമാണ് നിലവിലെ ഡോക്ടർമാരുടെ കൂട്ടപ്രതിഷേധത്തിലേക്ക് നയിച്ചത്.(Perumbavoor Taluk Hospital Doctors Boycott OP Protesting Against MLA Manoj Moothedan Misbehavior)
എന്നാൽ, നാട്ടുനടപ്പ് അനുസരിച്ചുള്ള കാര്യങ്ങൾ മാത്രമേ താൻ ആവശ്യപ്പെട്ടിട്ടുള്ളൂ എന്നാണ് വിഷയത്തിൽ മനോജ് മൂത്തേടൻ എംഎൽഎ നൽകുന്ന വിശദീകരണം. വീട്ടിൽ വെച്ചുണ്ടായ സ്വാഭാവിക മരണമായതിനാൽ, മൃതദേഹം ആശുപത്രി ഫ്രീസറിൽ സൂക്ഷിക്കണമെങ്കിൽ പോലീസിന്റെ എൻഒസി വേണമെന്ന് ജൂനിയർ ഡ്യൂട്ടി ഡോക്ടർ എംഎൽഎയെ അറിയിച്ചിരുന്നു.
നിയമപരമായ ഈ നിർദ്ദേശം നിലനിൽക്കെ, മാനദണ്ഡങ്ങളൊന്നും പാലിക്കാതെ മൃതദേഹം ആശുപത്രിയിൽ സൂക്ഷിക്കണമെന്ന് എംഎൽഎ നിർബന്ധിച്ചതായാണ് ഡോക്ടർമാരുടെ ആക്ഷേപം. വാർഡ് മെമ്പറുടെ കത്ത് മാത്രം ഹാജരാക്കി മൃതദേഹം ഫ്രീസറിലേക്ക് മാറ്റാൻ എംഎൽഎ പറഞ്ഞുവെന്നും, തുടർന്ന് മേലുദ്യോഗസ്ഥർ ഉൾപ്പെടെ എംഎൽഎ പറയുന്നത് അനുസരിക്കാൻ തന്നോട് ആവശ്യപ്പെട്ടതായും ജൂനിയർ ഡോക്ടർ വെളിപ്പെടുത്തി. വിഷയത്തിൽ ആരോഗ്യ വകുപ്പ് മന്ത്രിക്ക് ഔദ്യോഗികമായി പരാതി നൽകാനാണ് ഇവർ തീരുമാനിച്ചിരിക്കുന്നത്.
Story Summary
Doctors at Perumbavoor Taluk Hospital boycotted OP services in protest against Perumbavoor MLA Manoj Moothedan for allegedly misbehaving with a junior doctor. The dispute arose when the MLA demanded a body be kept in the hospital freezer using only a ward member’s letter, ignoring the doctor’s legal requirement for a police NOC.
