പത്തനംതിട്ട: കടമ്മനിട്ടയിൽ വീടിന് പുറത്ത് സ്ഥാപിച്ച ലിഫ്റ്റിൽ തല കുടുങ്ങി വയോധികൻ മരിച്ചു. കടമ്മനിട്ട കല്ലേലിമുക്ക് സ്വദേശി മാത്തുക്കുട്ടി (75) ആണ് മരണപ്പെട്ടത്. ശാരീരിക പരിമിതിയുള്ള മാത്തുക്കുട്ടിക്ക് റോഡിലേക്ക് എളുപ്പത്തിൽ എത്തുന്നതിനായി വീട്ടിൽ പ്രത്യേകമായി നിർമ്മിച്ച ലിഫ്റ്റിലാണ് അപകടമുണ്ടായത്.(Lift Accident, Elderly Disabled Man Dies After Head Trapped In Home Lift )
അപകടസമയത്ത് മാത്തുക്കുട്ടിയും ഭാര്യയും മാത്രമാണ് വീട്ടിലുണ്ടായിരുന്നത്. താഴ്ചയിലുള്ള വീട്ടുപറമ്പിൽ നിന്നും ഉയരത്തിലുള്ള റോഡിലേക്ക് കയറുന്നതിനായാണ് ഇവർ വീട്ടുമുറ്റത്ത് ലിഫ്റ്റ് സംവിധാനം ഒരുക്കിയത്.
സാധാരണ കെട്ടിടങ്ങളിൽ കാണുന്ന തരത്തിലുള്ള അടച്ചുറപ്പുള്ള ലിഫ്റ്റായിരുന്നില്ല ഇത്. വീടിന് പുറത്ത് ഇരുമ്പ് സ്ക്വയർ പൈപ്പുകളും മറ്റും ഉപയോഗിച്ച് നിർമ്മിച്ച സംവിധാനമായിരുന്നു. വിവരമറിഞ്ഞ് ഫയർഫോഴ്സ് സംഘം ഉടൻ തന്നെ സ്ഥലത്തെത്തി ഇദ്ദേഹത്തെ പുറത്തെടുത്തെങ്കിലും ജീവൻ രക്ഷിക്കാനായില്ല.
Story Summary
A 75-year-old physically challenged man named Mathukutty died after his head got trapped in a custom-made outdoor lift at Kallelimukku in Kadammanitta, Pathanamthitta. The accident occurred when the power went out, causing the lift to stall. Although the Fire Force arrived promptly, his life could not be saved.
