തിരുവനന്തപുരം: സംസ്ഥാന സർക്കാരിന്റെ 100 ദിന കർമ്മപദ്ധതികളുടെ തത്സമയ പുരോഗതി പൊതുജനങ്ങൾക്കും മാധ്യമങ്ങൾക്കും നേരിട്ട് വിലയിരുത്താനായി രാജ്യത്ത് ആദ്യമായി ‘ഓപ്പൺ പോർട്ടൽ’ സംവിധാനം ആരംഭിക്കുമെന്ന് മുഖ്യമന്ത്രി വി.ഡി. സതീശൻ. പദ്ധതികളുടെ ഏകോപനത്തിനായി മുഖ്യമന്ത്രിയുടെയും ചീഫ് സെക്രട്ടറിയുടെയും ഓഫീസുകളിൽ പ്രത്യേക സംവിധാനമൊരുക്കും. പദ്ധതികളുടെ പുരോഗതി ജനങ്ങൾക്ക് എളുപ്പത്തിൽ മനസ്സിലാക്കാൻ ‘കളർ കോഡിംഗ്’ രീതിയാണ് പോർട്ടലിൽ ഉപയോഗിക്കുക.(Kerala Government Launches First Open Portal To Track 100 Day Projects CM VD Satheesan)
പച്ച (Green): 80 ശതമാനത്തിലധികം പൂർത്തിയായ പദ്ധതികൾക്ക്.
ഓറഞ്ച് (Orange): 50 മുതൽ 70 ശതമാനം വരെ പുരോഗതിയുള്ള പദ്ധതികൾക്ക്.
ചുവപ്പ് (Red): കാര്യമായ പുരോഗതി കൈവരിക്കാത്ത പദ്ധതികൾക്ക്.
പൊതുജനങ്ങളുടെ കൃത്യമായ നിരീക്ഷണത്തിലൂടെ 100 ദിവസത്തിനകം വിവിധ വകുപ്പുകൾ പ്രഖ്യാപിച്ചിട്ടുള്ള പദ്ധതികൾ പൂർത്തിയാക്കുകയാണ് ലക്ഷ്യമെന്ന് മുഖ്യമന്ത്രി വാർത്താസമ്മേളനത്തിൽ പറഞ്ഞു. വയനാട് കള്ളാടി തുരങ്കപാത നിർമ്മാണ സ്ഥലത്തുണ്ടായ ദാരുണമായ മണ്ണിടിച്ചിൽ ദുരന്തത്തെക്കുറിച്ച് സാങ്കേതികവും നിയമപരവുമായ തലങ്ങളിൽ രണ്ട് ഘട്ടങ്ങളിലായി സമഗ്ര അന്വേഷണം നടത്തും. ദുരന്തസ്ഥലത്തിന് മുകളിലായി മറ്റൊരു ഉരുൾപൊട്ടൽ ഉണ്ടായെന്ന പ്രാഥമിക റിപ്പോർട്ടുകളും വിദഗ്ധ സംഘം പരിശോധിക്കും. തുരങ്ക നിർമ്മാണവുമായി ബന്ധപ്പെട്ട് കേന്ദ്ര സർക്കാർ നിർദ്ദേശിച്ച കർശനമായ പരിസ്ഥിതി മാനദണ്ഡങ്ങൾ കരാറുകാർ പാലിച്ചിട്ടുണ്ടോയെന്ന കാര്യത്തിൽ വനം-പരിസ്ഥിതി വകുപ്പുകളുടെ പ്രത്യേക അന്വേഷണമുണ്ടാകും. അപകടസാധ്യതകൾ പൂർണ്ണമായി വിലയിരുത്തിയ ശേഷമേ നിർത്തിവച്ചിരിക്കുന്ന നിർമ്മാണ പ്രവർത്തനങ്ങൾ പുനരാരംഭിക്കൂ. ദുരന്തത്തിൽ മരണപ്പെട്ട മൂന്ന് ഇതരസംസ്ഥാന തൊഴിലാളികളുടെയും കുടുംബങ്ങൾക്ക് അഞ്ച് ലക്ഷം രൂപ വീതം ധനസഹായം നൽകും.
Story Summary
Kerala CM V.D. Satheesan announced the launch of the country’s first open portal using color codes to track the progress of the government’s 100-day action plan. The cabinet also decided to launch a Crime Branch probe into PSC and KAS exam irregularities, initiate a dual investigation into the Wayanad Kalladi landslide, and closely evaluate MSC’s proposal for Vizhinjam port shares.
