തിരുവനന്തപുരം: പ്രാദേശിക അവധി നൽകുന്ന വിഷയത്തിൽ നിയമസഭയിൽ മുഖ്യമന്ത്രി വി.ഡി. സതീശൻ ജനങ്ങളെയും ജനപ്രതിനിധികളെയും തെറ്റിദ്ധരിപ്പിച്ചെന്ന് കോന്നി എം.എൽ.എ കെ.യു. ജനീഷ് കുമാർ. ഒരേ വിഷയത്തിൽ സഭയ്ക്ക് അകത്ത് സെക്കൻഡുകളുടെ വ്യത്യാസത്തിൽ രണ്ട് തരം നിലപാടുകൾ സ്വീകരിച്ചത് സഭാചട്ടങ്ങളുടെയും പൊതുമര്യാദകളുടെയും കടുത്ത ലംഘനമാണെന്ന് അദ്ദേഹം കുറ്റപ്പെടുത്തി.(MLA K U Jenish Kumar Accuses CM V D Satheesan Of Misleading Assembly)
ചമ്പക്കുളം മൂലം വള്ളംകളിക്ക് പ്രാദേശിക അവധി നൽകില്ലെന്ന് നേരത്തെ വ്യക്തമാക്കിയ മുഖ്യമന്ത്രി, നിയമസഭയിൽ ഇതിന് വിരുദ്ധമായി അവധിയുടെ കാര്യം ആലോചിച്ച് തീരുമാനിക്കുമെന്നാണ് മറുപടി നൽകിയത്. ഈ ഇരട്ടമുഖം ജനാധിപത്യത്തോടുള്ള അനാദരവാണെന്ന് ജനീഷ് കുമാർ പറഞ്ഞു.
നിയമസഭയിൽ കള്ളം പറഞ്ഞ് പദവി രാജിവെക്കേണ്ടി വന്ന മുൻ മുഖ്യമന്ത്രി കെ. കരുണാകരന്റെയും, പാർലമെന്റിന്റെ അവകാശങ്ങൾ തടസ്സപ്പെടുത്തിയതിന് പുറത്താക്കപ്പെട്ട മുൻ പ്രധാനമന്ത്രി ഇന്ദിരാഗാന്ധിയുടെയും ചരിത്രപരമായ അനുഭവങ്ങൾ മുഖ്യമന്ത്രി ഓർക്കണമെന്ന് അദ്ദേഹം ഓർമ്മിപ്പിച്ചു. അധികാരത്തിന്റെ ബലത്തിൽ ജനങ്ങളെ വഞ്ചിക്കാൻ ശ്രമിച്ചാൽ സഭയിലെ മൈക്കുകൾ എന്നും അതിന് തടസ്സമായി നിൽക്കുമെന്ന് മുന്നറിയിപ്പ് നൽകിയ എം.എൽ.എ, കളവ് പറയാതിരിക്കുക എന്നത് വലിയൊരു രാഷ്ട്രീയ പ്രവർത്തനം തന്നെയാണെന്ന് വിനയത്തോടെ ഓർമ്മിപ്പിച്ചു.
Story Summary
MLA K.U. Jenish Kumar has accused Chief Minister V.D. Satheesan of misleading the Kerala Legislative Assembly regarding the declaration of a local holiday for the Champakulam Moolam Boat Race. Jenish Kumar criticized the CM for contradicting his previous public statements within the assembly, calling it a violation of legislative decorum and an insult to democratic values.
