2026 ഫിഫ ലോകകപ്പിനിടെ ഫുട്ബോൾ ലോകത്തെ ഞെട്ടിച്ചുകൊണ്ട്, ഐവറികോസ്റ്റ് ഫോർവേഡ് എലൈ വാഹിക്കെതിരെ ഗുരുതരമായ വാതുവെപ്പ് ആരോപണങ്ങൾ. ലോകകപ്പ് ആരംഭിക്കുന്നതിന് രണ്ടാഴ്ച മുൻപ് ഫ്രഞ്ച് പോലീസ് ഇദ്ദേഹത്തെ കസ്റ്റഡിയിൽ എടുത്തിരുന്നതായി റിപ്പോർട്ടുകൾ വ്യക്തമാക്കുന്നു (Elye Wahi Match-Fixing Allegation). ഫ്രഞ്ച് ക്ലബ്ബായ ഒജിസി നൈസിന് വേണ്ടി കളിക്കുമ്പോൾ, മെയ് 17-ന് എഫ്സി മെറ്റ്സിനെതിരായ മത്സരത്തിൽ ബോധപൂർവ്വം മഞ്ഞക്കാർഡ് നേടിയെന്ന ആരോപണത്തെത്തുടർന്നാണ് അന്വേഷണം നടക്കുന്നത്. സംശയാസ്പദമായ വാതുവെപ്പ് പാറ്റേണുകൾ ശ്രദ്ധയിൽപ്പെട്ടതിനെത്തുടർന്നാണ് ഫ്രഞ്ച് അധികൃതർ കേസ് രജിസ്റ്റർ ചെയ്തത്.
മെയ് 29-ന് സെന്റ്-എറ്റിയെന്നിനെതിരെ ഇരട്ടഗോൾ നേടി നൈസിന്റെ ലീഗ് 1 നിലനിൽപ്പ് ഉറപ്പിച്ചതിന് പിന്നാലെയാണ് വാഹിയെ പോലീസ് ചോദ്യം ചെയ്തത്. സംഘടിത തട്ടിപ്പ്, കായിക അഴിമതി, കള്ളപ്പണം വെളുപ്പിക്കൽ തുടങ്ങിയ കുറ്റങ്ങൾ ആരോപിക്കപ്പെടുന്ന കേസിൽ ചോദ്യം ചെയ്യലിന് ശേഷം താരത്തെ വിട്ടയച്ചിരുന്നു. നിലവിൽ താരം ലോകകപ്പ് ടീമിനൊപ്പമുണ്ട്. ഫിലാഡൽഫിയയിൽ നടന്ന ഇക്വഡോറിനെതിരായ മത്സരത്തിൽ ഐവറികോസ്റ്റ് 1-0 വിജയിച്ചപ്പോൾ വാഹി പ്ലേയിംഗ് ഇലവനിലുണ്ടായിരുന്നു. അന്വേഷണം തുടരുകയാണെങ്കിലും ഫിഫയോ ഐവറികോസ്റ്റ് ഫുട്ബോൾ ഫെഡറേഷനോ താരത്തിനെതിരെ ഇതുവരെ അച്ചടക്ക നടപടികളൊന്നും സ്വീകരിച്ചിട്ടില്ല.
Summary: Ivory Coast striker Elye Wahi is under investigation by French authorities regarding alleged match-fixing and betting irregularities linked to a suspicious yellow card received during a Ligue 1 match for OGC Nice. Although arrested and questioned by police just weeks before the 2026 FIFA World Cup, Wahi has not been formally charged and continues to play for his national team in the ongoing tournament.
