തിരുവനന്തപുരം: സംസ്ഥാനത്തിന്റെ സമഗ്ര വികസനവും ജനക്ഷേമവും മുൻനിർത്തിയുള്ള ആദ്യ ബജറ്റ് തയ്യാറാക്കുന്നതിന്റെ ഭാഗമായി, ജൂൺ 19 വെള്ളിയാഴ്ച വരെ മുഖ്യമന്ത്രി വി.ഡി. സതീശൻ പൊതുസന്ദർശകരെ സ്വീകരിക്കില്ലെന്ന് ഓഫീസ് അറിയിച്ചു. ധനമന്ത്രിയുടെ ചുമതല കൂടി നിർവഹിക്കുന്ന മുഖ്യമന്ത്രി, ബജറ്റ് അവതരണത്തിന് മുന്നോടിയായുള്ള നിർണ്ണായക ചർച്ചകളിലും ഏകോപനത്തിലുമാണ്.(Chief Minister VD Satheesan to skip meetings until Friday for budget preparations)
ബജറ്റ് ജോലികളുമായി ബന്ധപ്പെട്ട് അനിവാര്യമായ തിരക്കുകൾ ഉള്ളതിനാൽ മുഖ്യമന്ത്രിയെ നേരിട്ട് കാണാൻ ആഗ്രഹിക്കുന്നവർ ഈ താൽക്കാലിക നിയന്ത്രണത്തോട് സഹകരിക്കണമെന്ന് ഓഫീസ് പത്രക്കുറിപ്പിലൂടെ അഭ്യർത്ഥിച്ചു. നാടിന്റെ വികസനത്തിനായുള്ള ഈ വലിയ ദൗത്യത്തിൽ എല്ലാവരുടെയും പിന്തുണയും സഹകരണവും പ്രതീക്ഷിക്കുന്നുവെന്നും ഓഫീസ് വ്യക്തമാക്കി.
വെള്ളിയാഴ്ചയാണ് വി.ഡി. സതീശൻ സർക്കാർ തങ്ങളുടെ ഭരണകാലത്തെ ആദ്യത്തെ ബജറ്റ് നിയമസഭയിൽ അവതരിപ്പിക്കുന്നത്. പുതിയ സർക്കാരിന്റെ സാമ്പത്തിക മുൻഗണനകളും വികസന പദ്ധതികളും ഈ ബജറ്റിലൂടെ വ്യക്തമാകും.
Story Summary
Kerala Chief Minister V.D. Satheesan will not be meeting visitors until Friday, June 19, to focus on the preparation of the state budget. The CM’s office has requested public cooperation during this period, as the government prepares to present its first budget this coming Friday.
