സിഡ്നി: കഴിഞ്ഞ ഡിസംബറിൽ ഓസ്ട്രേലിയയിലെ സിഡ്നിയിലുള്ള ബോണ്ടി ബീച്ചിൽ നടന്ന ഭീകരാക്രമണക്കേസിലെ പ്രതി നവീദ് അക്രമിനെതിരെ 19 പുതിയ കുറ്റങ്ങൾ കൂടി ചുമത്തി (Bondi Beach Mass Shooting). 2025 ഡിസംബർ 14-ന് ജൂതമതവിശ്വാസികളുടെ ഹനുക്ക ആഘോഷത്തിനിടെ നടന്ന ആക്രമണത്തിൽ 15 പേർ കൊല്ലപ്പെട്ടിരുന്നു. ഐഎസ് ഭീകരവാദികളുടെ ആശയങ്ങളിൽ ആകൃഷ്ടനായി പിതാവ് സാജിദ് അക്രമിനൊപ്പമാണ് ഇയാൾ ആക്രമണം നടത്തിയത്. സംഭവസ്ഥലത്തുണ്ടായ വെടിവെപ്പിൽ പിതാവ് സാജിദ് അക്രം പോലീസ് വെടിയേറ്റ് കൊല്ലപ്പെട്ടിരുന്നു.
നേരത്തെ 15 കൊലപാതകങ്ങൾ ഉൾപ്പെടെ 59 കുറ്റങ്ങളാണ് 24-കാരനായ നവീദ് അക്രമിനെതിരെ ചുമത്തിയിരുന്നത്. ഇപ്പോൾ പുതുതായി ചുമത്തിയിരിക്കുന്ന 19 കുറ്റങ്ങളിൽ 10 എണ്ണം കൊലപാതകശ്രമത്തിനുള്ള വെടിവെപ്പും, ആറെണ്ണം പോലീസിനെതിരെ ആയുധമുപയോഗിച്ചുള്ള പ്രതിരോധവും, മൂന്നെണ്ണം ഗുരുതരമായ ശാരീരിക ഉപദ്രവം ഏൽപ്പിക്കൽ അല്ലെങ്കിൽ കൊലപാതകശ്രമം എന്നീ വകുപ്പുകളും ഉൾപ്പെടുന്നു. പ്രതി ഇതുവരെ കുറ്റം സമ്മതിച്ചിട്ടില്ല. ഓസ്ട്രേലിയയിൽ 1996-നു ശേഷമുണ്ടായ ഏറ്റവും വലിയ കൂട്ടക്കൊലയാണിത്. ആക്രമണത്തെത്തുടർന്ന് രാജ്യത്ത് കർശനമായ തോക്ക് നിയന്ത്രണങ്ങളും ജൂതവിരുദ്ധതയ്ക്കെതിരെ പ്രത്യേക അന്വേഷണ കമ്മീഷനും സർക്കാർ രൂപീകരിച്ചിട്ടുണ്ട്.
Summary: Naveed Akram, the 24-year-old accused in the December 2025 Bondi Beach mass shooting, faces an additional 19 charges related to the terror attack that killed 15 people during a Hanukkah celebration. Originally charged with 59 offences, including 15 counts of murder and terrorism-related acts, Akram now faces further counts of attempted murder and discharging firearms against law enforcement. The attack, inspired by Islamic State ideology, remains the deadliest mass shooting in Australia since 1996, prompting the government to launch a royal commission into antisemitism and implement stricter national gun control measures.
