പെർത്ത്: ഓസ്ട്രേലിയയിൽ സൂപ്പർമാർക്കറ്റിൽ നിന്ന് വാങ്ങിയ ലെറ്റൂസ് അടച്ചുവെച്ച പ്ലാസ്റ്റിക് കവറിനുള്ളിൽ ജീവനുള്ള തവളയെ കണ്ടെത്തിയതിന്റെ ഞെട്ടലിലാണ് ഒരു കർഷകനും കൂട്ടുകാരും (Live Frog Found Lettuce Bag Australia). വെസ്റ്റേൺ ഓസ്ട്രേലിയയിലെ എസ്പെരൻസിൽ താമസിക്കുന്ന റൈസ് സ്മോക്കർ എന്ന കർഷകനാണ് വൂൾവർത്ത്സ് സൂപ്പർമാർക്കറ്റിൽ നിന്ന് വാങ്ങിയ ലെറ്റൂസ് പാക്കറ്റിൽ തവളയെ കണ്ടതെന്ന് മെട്രോ യുകെ റിപ്പോർട്ട് ചെയ്യുന്നു. സുഹൃത്തുക്കൾക്കായി ഭക്ഷണം തയ്യാറാക്കാൻ കവർ തുറന്നപ്പോഴാണ് ഇലകൾക്കിടയിൽ ഒളിച്ചിരുന്ന തവളയെ ശ്രദ്ധയിൽപ്പെട്ടത്.
ആദ്യം സുഹൃത്തുക്കൾ ഇതൊരു തമാശയായി കരുതിയെങ്കിലും റൈസ് പാക്കറ്റ് കാണിച്ചതോടെ എല്ലാവരും അത്ഭുതപ്പെട്ടു. തുടർന്ന് തവളയ്ക്ക് ‘ഗ്രെഗ്’ എന്ന് പേരിട്ട ഇവർ, പ്രശസ്തമായ ‘ക്രേസി ഫ്രോഗ്’ എന്ന മ്യൂസിക് ട്രാക്ക് പ്ലേ ചെയ്താണ് വീടിനടുത്തുള്ള ഡാമിലേക്ക് അതിനെ തുറന്നുവിട്ടത്. സംഭവത്തിൽ ഖേദം പ്രകടിപ്പിച്ച വൂൾവർത്ത്സ് സൂപ്പർമാർക്കറ്റ് അധികൃതർ, ലെറ്റൂസ് കഴുകി പലതവണ ഗുണനിലവാര പരിശോധന നടത്തിയ ശേഷമാണ് പാക്ക് ചെയ്യാറുള്ളതെന്നും ഇതൊരു ഒറ്റപ്പെട്ട സംഭവമാണെന്നും അറിയിച്ചു. സംഭവത്തെക്കുറിച്ച് തങ്ങളുടെ വിതരണക്കാരുമായി ചേർന്ന് ഉന്നതതല അന്വേഷണം ആരംഭിച്ചതായും അവർ വ്യക്തമാക്കി.
View this post on Instagram
Summary: A quiet dinner preparation in Western Australia took a wild turn when Rhys Smoker, a local farmer, discovered a live frog inside a sealed bag of lettuce purchased from Woolworths supermarket. Initially dismissed as a joke by his housemates, the live amphibian was brought to the lounge, where the household shared a laugh and named the frog “Greg” before releasing it into a nearby dam.
