തിരുവനന്തപുരം: എംബിബിഎസ് കോഴ്സിനായി വിദ്യാർത്ഥികളിൽ നിന്ന് ഈടാക്കുന്ന അധിക ഫീസ് തിരികെ നൽകണമെന്ന ദേശീയ മെഡിക്കൽ കമ്മീഷന്റെ ഉത്തരവ് കേരളത്തിൽ വലിയ ചർച്ചയാകുന്നു. നാലര വർഷത്തെ കോഴ്സിന് അഞ്ച് വർഷത്തെ ഫീസ് ഈടാക്കുന്ന പതിവിനെതിരെയാണ് കമ്മീഷൻ രംഗത്തെത്തിയിരിക്കുന്നത്.(NMC Directive on MBBS Fee Refund in Kerala)
2024-ലെ ഗ്രാജ്വേറ്റ് മെഡിക്കൽ എജുക്കേഷൻ ചട്ടപ്രകാരം എംബിബിഎസ് കോഴ്സിന്റെ യഥാർത്ഥ കാലാവധി നാലര വർഷമാണ്. എന്നാൽ, കേരളത്തിലെ സ്വാശ്രയ മെഡിക്കൽ കോളേജുകൾ അഞ്ച് വർഷത്തേക്കുള്ള ഫീസ് വിദ്യാർത്ഥികളിൽ നിന്ന് ഈടാക്കുന്നുണ്ട്. ഇത് മൂന്നര ലക്ഷം മുതൽ ആറ് ലക്ഷം രൂപ വരെ അധിക ബാധ്യതയാണ് വിദ്യാർത്ഥികൾക്കുണ്ടാക്കുന്നത്. ഈ തുക തിരികെ നൽകണമെന്നാണ് NMC-യുടെ കർശന നിർദ്ദേശം.
NMC നിർദ്ദേശം കേരളത്തിലെ സാഹചര്യം പരിഗണിച്ചല്ലെന്നും, തങ്ങൾക്ക് അത് ബാധകമല്ലെന്നുമാണ് സ്വാശ്രയ മെഡിക്കൽ കോളേജ് അസോസിയേഷന്റെ നിലപാട്. സംസ്ഥാന ഫീസ് റെഗുലേറ്ററി കമ്മീഷൻ നിശ്ചയിക്കുന്ന ഫീസാണ് തങ്ങൾ വാങ്ങുന്നതെന്നും ഇവർ വാദിക്കുന്നു. സംസ്ഥാന സർക്കാർ അടിയന്തരമായി ഇടപെട്ട് NMC-യുടെ ഉത്തരവ് നടപ്പിലാക്കണമെന്നാണ് വിദ്യാർത്ഥികളുടെയും രക്ഷിതാക്കളുടെയും ആവശ്യം.
Story Summary
The National Medical Commission (NMC) has directed self-financing medical colleges to refund excess fees collected for the six-month period beyond the 54-month (4.5 years) MBBS course duration. While management associations argue that the directive is inapplicable in Kerala due to existing fee regulation norms, students are now looking to the state government to intervene and implement the NMC’s order.
