തിരുവനന്തപുരം: കേരളത്തിന്റെ സാമ്പത്തിക തകർച്ചയ്ക്ക് കാരണം കോൺഗ്രസും സിപിഎമ്മും കാലങ്ങളായി പിന്തുടരുന്ന തെറ്റായ രാഷ്ട്രീയ സമീപനങ്ങളാണെന്ന് രാജീവ് ചന്ദ്രശേഖർ. നിയമസഭയിലെ തന്റെ ആദ്യ അനുഭവങ്ങൾ സാമൂഹിക മാധ്യമത്തിലൂടെ പങ്കുവെച്ച കുറിപ്പിലാണ് അദ്ദേഹം ഭരണ-പ്രതിപക്ഷ കക്ഷികൾക്കെതിരെ രൂക്ഷമായ വിമർശനങ്ങൾ ഉന്നയിച്ചത്.(Rajeev Chandrasekhar Criticizes Congress and CPM Political Approach In Kerala Assembly)
ലോകം മുഴുവൻ ആർട്ടിഫിഷ്യൽ ഇന്റലിജൻസ് (AI) പോലുള്ള നൂതന സാങ്കേതികവിദ്യകളിലേക്കും പുതിയ തൊഴിൽ സാധ്യതകളിലേക്കും മുന്നേറുമ്പോൾ, കേരളത്തിലെ രാഷ്ട്രീയ നേതാക്കൾ ഇപ്പോഴും അപ്രസക്തമായ വിഷയങ്ങളിൽ തർക്കിക്കുകയാണെന്ന് അദ്ദേഹം കുറ്റപ്പെടുത്തി. സാമ്പത്തിക ധവളപത്രത്തെ സിപിഎം എതിർക്കുന്നതിനെ അദ്ദേഹം പരിഹസിച്ചു. സർക്കാർ രേഖകൾ രഹസ്യമായി സൂക്ഷിക്കണമെന്ന് ആവശ്യപ്പെടുന്നത് വികസനത്തെയും തൊഴിലവസരങ്ങളെയും കുറിച്ചുള്ള ചർച്ചകളെ ഭയക്കുന്നതുകൊണ്ടാണെന്ന് അദ്ദേഹം ആരോപിച്ചു.
ബിജെപി വിജയിച്ചതിന്റെ പേരിൽ പരസ്പരം കുറ്റപ്പെടുത്തുന്ന കോൺഗ്രസും സിപിഎമ്മും തങ്ങൾ രാഷ്ട്രീയ സഖ്യത്തിലാണെന്ന യാഥാർത്ഥ്യം സൗകര്യപൂർവം മറക്കുകയാണ്. ജനാധിപത്യത്തിൽ ജനങ്ങളാണ് വിജയികളെ നിശ്ചയിക്കുന്നതെന്ന ബോധം ഇവർക്കില്ലെന്നും അദ്ദേഹം കൂട്ടിച്ചേർത്തു. സംസ്ഥാനം കടുത്ത വിലക്കയറ്റവും സാമ്പത്തിക വെല്ലുവിളികളും നേരിടുമ്പോൾ ജനങ്ങളുടെ യഥാർത്ഥ പ്രശ്നങ്ങൾ ചർച്ച ചെയ്യാൻ ഭരണ-പ്രതിപക്ഷ കക്ഷികൾക്ക് കഴിയുന്നില്ല. 18 വർഷത്തെ പാർലമെന്ററി പ്രവർത്തന പരിചയത്തിനിടെ താൻ കണ്ടതിൽ വെച്ച് ഏറ്റവും വിചിത്രമായ രാഷ്ട്രീയ സമീപനമാണ് കേരള നിയമസഭയിലെ ചില നേതാക്കളുടേതെന്ന് അദ്ദേഹം അഭിപ്രായപ്പെട്ടു.
Story Summary
BJP state president Rajeev Chandrasekhar, in his debut reflections on the Kerala Legislative Assembly, criticized the Congress and CPM for prioritizing political controversies over development issues. He argued that the state’s financial crisis is a direct consequence of their outdated political approach and emphasized the need for a shift towards a growth-oriented agenda focusing on investment and technology like AI.
