ന്യൂഡൽഹി: സമഗ്ര ശിക്ഷാ അഭിയാൻ പദ്ധതിയുടെ ഫണ്ട് വിനിയോഗം സംബന്ധിച്ച് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ ഉന്നതതല അവലോകന യോഗം ചേർന്നു. ‘സമഗ്ര ശിക്ഷ 3.0’ ഘട്ടത്തെ കൂടുതൽ കാര്യക്ഷമവും സുതാര്യവും ഫലധിഷ്ഠിതവുമാക്കുന്നതിലാണ് യോഗം പ്രധാനമായും ശ്രദ്ധ കേന്ദ്രീകരിച്ചത്.(Dharmendra Pradhan Reviews Samagra Shiksha Fund Usage And Transparency)
ഈ വർഷം മുതൽ സ്കൂൾ വിദ്യാഭ്യാസ മേഖലയിൽ കൂടുതൽ ഏകോപനവും മികച്ച ഫലങ്ങളും ലക്ഷ്യമിട്ട് സംയോജിത സമീപനം സ്വീകരിക്കുമെന്ന് മന്ത്രി വ്യക്തമാക്കി. സമഗ്ര ശിക്ഷാ അഭിയാൻ, പി.എം-പോഷൻ (PM-POSHAN), ഉല്ലാസ് (ULLAS), പി.എം-ശ്രീ (PM-SHRI) തുടങ്ങി കേന്ദ്ര സർക്കാരിന്റെ പ്രധാനപ്പെട്ട വിദ്യാഭ്യാസ പദ്ധതികളെ സംയോജിപ്പിച്ചുകൊണ്ട് പ്രവർത്തനങ്ങൾ ഏകോപിപ്പിക്കും.
“സമഗ്ര ശിക്ഷാ അഭിയാന്റെ ഫണ്ട് വിനിയോഗത്തെക്കുറിച്ച് വിശദമായ അവലോകനം നടത്തി. ഈ വർഷം മുതൽ പ്രധാനപ്പെട്ട പദ്ധതികളെ ഏകോപിപ്പിച്ച് പ്രവർത്തിക്കുന്നതിലൂടെ സ്കൂൾ വിദ്യാഭ്യാസ മേഖലയിൽ വലിയ മാറ്റം കൊണ്ടുവരാൻ സാധിക്കുമെന്ന് കരുതുന്നു,” ധർമേന്ദ്ര പ്രധാൻ എക്സിൽ കുറിച്ചു. പദ്ധതികളുടെ നടത്തിപ്പിൽ പൂർണ്ണ സുതാര്യത ഉറപ്പാക്കണമെന്നും ഉദ്യോഗസ്ഥർക്ക് മന്ത്രി നിർദ്ദേശം നൽകിയിട്ടുണ്ട്.
Story Summary
Union Education Minister Dharmendra Pradhan conducted a review meeting on the Samagra Shiksha Abhiyan, emphasizing transparency and efficiency for the 3.0 phase. The government will implement an integrated approach starting this year, converging key schemes like PM-POSHAN, ULLAS, and PM-SHRI to enhance the impact and coordination within the school education ecosystem.
